منتديات شبكة قبيلة الغنانيم الرسمية

هذه القصيده وجدتها في منتدى

ميدان شعري

وحبيت انقلها لكم

واعجبني فالقصيده لان قفلتها على الغنامي

ياهواجيس الضمايـر فزعتـك مطلوبـه
افزعي مفزاع يامي ينتخـي لـه يامـي
لك خوي ٍ صاحبه ماقصـر ابماجوبـه
ولك عشير ٍ للقصيد الجزل جايع ضامي
ان نوى المنهاج دايم ماتضيـق ادروبـه
يطوي البيدا ويسبح كل بحـر ٍ طامـي
والمخايـل ماتطفـي نـاره المشبوبـه
منهجه سامي وتاريخـه وفعلـه سامـي
كل ماتطري عليـه الجـادل الرعبوبـه
قال طاب الفال وايـام السعـد قدامـي
وانت ياللي جيتي عندك ماهي محسوبـه
منت لا خالي ولا انته واحد من اعمامي
سيرت بي في ديرك الخطوه المكتوبـه
لين شفت المرقب العالي لغيري زامـي
صاحبي لو ان خلان الرخـاء باروبـه
لو نظامه يختلف ما اخلفت معه انظامي
لو من يذنب ومن يخطي يحسب اذنوبـه
ماتعنا اللـي حلـم لمفسـر الاحلامـي
ومن نسى جرح الزمان اللي ستره ابثوبه
ماذكر مايحفظه لـه ماضـي الايامـي
قلتها من صدري اللي ماصفاء مشروبـه
من مشاعر صادقه ومصدقـه بأبهامـي
القصايد فـي حنايـا اليعربـي مكتوبـه
وان تغنّا اليعربـي بالشعـر ماينلامـي
ان تركها من يـرد احقوقـه المسلوبـه
وان كتبها مارضى تنكيسـة الاعلامـي
لو انا روحي عليها لي سنـه مغصوبـه
قبل تحقيق الامل عيا يصيـب الرامـي
ودي اكتبها قبل لعلـن واقـول التوبـه
وودي اقراء ماتخطه فالكتـاب اقلامـي
في عذوبة شعر مشعان وجمال اسلوبـه
وفي سعة صدر وكرم ضيف الله الغنامي

القصيده للشاعر محمد بن رشيد