يقول من هوجس على راس مــبداه
رجــــم يخلي البال يدله وينســـــــاح
لاضــاق صدري من هموم تحـــــداه
هذاوانا ماني على الســــد بيـــــــــاح
والله يالولاالرجم يوم اني أنصــــــاه
لويق مثل الي رقى الضلع ثم طــــاح
على عشيرا تل قلبي من اقصــــــاه
تل الرشا من جمة جمها فــــــــــــــاح
كن القمـــر مرسوم طلـــة محيـــاه
في حبهـــا ماسمع لعـــاذل ونصــــــاح
والــــخد براق نفيضــــه تقفــــــــاه
ياشبه عفـــــرا عليـــــها الحلـــــــق لاح
مرباعها يم الهضاب المسمـــــــاه
ولاهيب مع اللي ربعوا يمة رمــــــــــاح
والعنق عنق اللي ليازان مرمــــاه
عنق المها لاشاف ريغه على الضـــــاح
والخشم سيف الضيط إلياواجه عداه
والعين عــــين الي ينــــادي بملـــــــواح
قلته وانا الذي لايمكــــن أنســـــــاه
وياهني من هو عن هوى البيض مرتاح
ويابنت حنا هل الطيب والجـــــــــاه
لاجـــــا نهــــار فيه للـــحرب صيــــــــاح
مانطرد المقفي ولانتبع إخطـــــــاه
ومن صد جعله مهف مقيــــــط ورشــــــــاه

هذه القصيده للشاعر/جزاء ملوح الغنامي