رجـــم الهــــوى
 

(رجم الهوى)

رجم الهوى ياليتني مارقيته

لوزينت نفسي لرجلي مراقيه

كنت اتمنى جيته لين جيته

ثم عقب جيته قلت لاعاد طاريه

يازين يالي كل وصفن زهيته

زاهيك يازين التدلع وزاهيه

ياالي بزين الوصف قلبي سبيته

حبك بوسط القلب بانت مواريه

انت الذي بدموع عيني شريته

هجرتني والهجرمافاد راعيه

هدمت لك بيتن بقلبي بنيته

من عقب ماهو محكماتن مبانيه

ثم صار مظلم عقب ماكنت ليته

خالي بعد يازين ماكنت ماليه

الله من ليلن بدونك سريته

الليل دونك موحشاتن مساريه

ياالي بسهم العين قلبي رميته

الدم يبن الناس حبك سرى فيه

عليك احن وخافقي مانهيته

القلب مايرتاح لاغاب غاليه


((الشاعر )) نــــــــــــــايف متعب الغنامي ((النــــــــــــــــايف))

رد: رجـــم الهــــوى
 

الله الله صح لسان الشاعر النايف.
وبيض الله وجهك اخوي سعد على نقل القصيد الجزل

رد: رجـــم الهــــوى
 

اشكر الاخ سعــد العتــيــبـي
على نقل هذهـ القصيده
و صــح لســـانك يـا نــايف الغنــامــي

رد: رجـــم الهــــوى
 

صح لسانك يـ النايف .على القصـْـيدهـ الـجـزلـه ...

وتسلم أناملك ياسعد.العتيبي.,‘ على النقــل’,.

رد: رجـــم الهــــوى
 

ابو اياد صح بدنك وجهك ابيض

رد: رجـــم الهــــوى
 

العفو اخوي منيف وصح بدنك

رد: رجـــم الهــــوى
 

الله يسلمك اخوي حمد الغنامي وصح بدنك

رد: رجـــم الهــــوى
 

مشكور القصيدة بتجنن تسلم ايدك

رد: رجـــم الهــــوى
 

صح لسان الشاعر


تحيتي للناقل

رد: رجـــم الهــــوى
 

صح لسان الشاعر نايف متعب وتسلم يمينك على النقل

نايف متعب بن سهل ولا غيره