|
قصائد أعجبتني للشاعر بندر بن سرور (رحمه الله)..
عجل على المسجد
ياكثر يافيحان صبر صبرناه ... امس الشهر عديت باقي اسبوعه لاتغبط اللي صار زوده بدنياه ... يتبع هوى نفسه وغير طبوعه مخطي طريق الحق غاد بعمياه ... يجمع وصخ مال زوال نفوعه اغبط تقي صار زوده بتقواه ... عبد لصوت العبد يرخي سموعه يفرح بصوت منادي الحق ناداه ... عجل على المسجد بطيْ ركوعه والا ترى الدنيا حدود مسماه ... لابد مايقفي وتقفي زروعه ******* انحاس بالي يامحمد وصديت ... من كثر الصدات قلت شطونه ماني وانا بندر بهيت ولد هيت ... هيت يجامل خمة يكرهونه من كثر ماجربت واقبلت واقفيت ... قولة هلا لمن لايودك مهونه سلط على النصراني اللي لقا الزيت ... لعل نبع الزيت يعمي عيونه لاشك تحتاج المراجل شفاليت ... تحتاج شي يقصر النذل دونه عزم على الفرجه وقطع الخلا الميت ... حتى عيال البوم مايقطعونه ثلاث*من كل المعاني تنقيت ... واللي بقى كل الملا يقدرونه مابغى جزاهن غير من خالق البيت ... عمالهن للناس ماينفعونه ********* الله من عين طرقها صواديف ... عميت ويبسن بالعروق الصخافي شفت الوزا بالعين من عرض ماشيف ... شفته وغيري من فطن له وشافي وقت تغير فيه حتى العواصيف ... جا في عواصيف الرياح أختلافي شره قناطير وخيره مقاطيف ... يفطن له اللي يرضع الديد غافي كم واحد جاله زمانه على الكيف ... واغترته نفسه يبا الجود وافي يطلع مطاليع العلا بالسواليف ... بين العذارى عد روحه سنافي يفرح بهرج بالقفى يكره الضيف ... قتات والقتات بالنار هافي يعلق قصيره علقة النار بالليف ... عي ولد عي زنوده ضعافي ان رخصت الحذوه توفي عن الحيف ... وان غليت الحذوه مشى اللاش حافي يرقد ويلحق والدينه تخاليف ... دايم ومرقد ميت النار دافي هو مادرى ان الجود يبغى تكاليف ... سهر الليالي مقبلات مقافي يبغى يدين للعطايا مغاريف ... ويبغى رجول ماتمل الوقافي والصبر بنحور السنين الشواحيف ... اللي قساها مثل حد الرهافي مايقدرون الجود سود الأطاريف ... مشاركة بيض النسا باللحافي يقدر عليه اللي حكم نجد بالسيف ... واودع مباغيض القبايل ولافي عبد العزيز اللي يبث المصاريف ... يجدع قناطير الذهب بالفيافي يمشي على دربه جموع مراديف ... نو تحدر ماه والجو صافي يشدي لواقيط الزبيدي بعد ريف ... ومما كسى البيدا تفيد الضعافي ********** سر ياقلم مالي على الصبر طاقه ... صبري تعدى الحد ماعاد ينطاق أكتب لمثلي قصته واشتياقه ... في خطك الواضح على بيض الأوراق قصة حزين صافي الحر ذاقه ... انا بذكره ماصله خاطري ضاق باقو به الأصحاب والوقت باقه ... وصار الضحيه بين باير وبواق يمشي وهو ماحس في كسر ساقه ... امسى على ساقين واصبح على ساق مهذي سواة الوقت شين اصطفاقه ... الوقت لو يصفى لك ايام دراق لاشك يامن معك عقل ولباقه ... بنصحك كان انك للأمثال تشتاق صادق رجال يعرفون الصداقه ... يقفون صفك يوم يبسات الأرياق ومن يرغب فراقك فعجل فراقه ... جاز الذي يجزيك أفراق بفراق يقوله اللي جاير الوقت عاقه ... ولازال في غيبوبة الهم مافاق حظه على اقشر شي للنفس ساقه ... بقبور الاحياء ينتظر يوم الأطلاق مع خالــص مودتـــي ,,,, |
رد: قصائد أعجبتني للشاعر بندر بن سرور (رحمه الله)..
كفـووو يآذيبــآن
إبيك إيه انا ادوورهآ منذو مبطييييييييييييييييي مشكوور مرتن اخرى ^_^ |
رد: قصائد أعجبتني للشاعر بندر بن سرور (رحمه الله)..
اذا تبي اجيب غيرها يالله ياجالي الامور المهمـــــــه ***** تجلا وهـــــج قلب برا حال راعيـــــه البر دجته والبحر رحت يمـــــــه ***** يقطعك ياحظ على الله مساعيـــــــه يوم ان ولد اللاش رزقه على امه ***** رزقي على اللي ميت القشع يحييـه يامل قلب كل مامات همـــــــــه *****دارت دواليب الدهر لين تحييــــــــــه فراق شمل الناس عيا يلمـــــــه *****وقت يشيب الـراس من شاية فيــــــه احد ينام وحاط راسه بكمــــــه *****واحـــد تخم النوم عيـــنه وتخطيــــه واحد يحاول بالردى بنت عمـه ***** واحد يحاول ستر عذرى عوانــــيــه ماني وانا بندر ببياع دمــــــه ***** يقطعك يابيــــاع دمــــه ومهفيــــــه اللي يبيع لابسات الازمــــــــه ***** ثور يــبابيض الرعــــابيب تغنيـــــــه يزعل ليا جت ليلة الدور يمــــه ***** يرضى بسوق المال فخوه وفابيـــه خطو البخيل اللي يكبر معمــه ***** يقرا الكتاب وواجب الله يخليـــــــــه إمر هرج لك في رفيقه بنمــه ***** والا عطا وامه تضـــيع هقاويــــــــه أنشدك ياللي كل فرض تتمـه ***** تقرا الكتاب وكل فـــرض تصليـــــــه ويش القليب اللي غميق مجمـه ***** مافاد غرسه ماه وعطشى سوانيــه تخالف الانظار شرق ويمــــــه ***** وكل هدف رآيه من الناس مرضيـــــه سم السبب ياعارف عنه سمعه ***** سم السبب ياعارفه قبل اسميــــــه هذي قالها الشاعر حينما كان عمره 16 سنه متوجها الى الكويت حيث لم يجد عمل في السعوديه يا سخيف الذرعان مانيب مرجــوج *****رجتــــــني الدنيا بغدر وحيلـــــه يابنت لولا اللي على تاسع الفــوج ***** تركت نجــــد وعزوه بالقبيـــــله لا شك حاديني على نجد هـــيدوج ***** مسقى الفيافي لين يدرج مسيله تركي لي من البلاوي غدن عـــوج *****حملــه عتيبه كلها ماتشيلــــــــه يرسى كما مينا البواخر على الموج***** ومنين ماصك البحر ترتكيلــــــه مادام تركي حي مـــــــاودي ادوج *****وان غاب غبت من الرجوم الطويله وسبب قصيدته هذي هو انه كان له حاجه عن الشيخ تركي وتردد عليه اكثر من مره ولم يجد الا بنته ولم جاء المره الاخيره وجده وكانت سبب كلمة المرجوج له استغراب بنت الشيخ بكثرة تردده مع خالــص مودتـــي ,,,, |
مشكور يا شليويح
رحم الله بندر بن سرور قصائد ستبقى ما بقي الشعر |
لك جزيل الشكروالله يعطيك الف عافيه
ولا تحرمنامن جديدك يابعدي |
الله يرحمه ويسكنه فسيح جناته الشاعر الكبير ][بندر بن سرور][ مشكور وماقصرت أخوي ع القصيده الراائعه تقبل مروري
|
مشكور شليويح ورحمه الله بندر بن سرور
|
مشكووووور على القصائد
|
مشكوررررررررررررر ياشليويح علي اختيارك هذه القصايد
الله يرحم بندر بن سرور |
مشكور وما قصرت والله يرحم بندر ويرحم اموات السلمين
|
| +4. الساعة الآن 01:40 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط