منتديات شبكة قبيلة الغنانيم الرسمية - قالو علامك الشاعر /معجب بدر ابن مدرع العطاوي

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين وبعد

مبروك شهر الحج وعسى الله يقبل منا ومنكم صالح الاعمال

اخواني انقل لكم هالقصيدة النادرة في موضوعها لشاعر / معجب بن بدر خضير العطاوي

ابن عم متنبي عتيبة بندر بن سرور بن خضير .. ولعلها تتكلم عن نفسها

قالوا علامـك لتجـاره تحـرفعان الحضـارم عاليـاً مستواهـا
مورات سقس وشركة شغل وطفعان العويضة وابن لادن كلاهـا
وإلا استراحات بلوحـات تعـرفوإلا ورشٍ والعمـالـة مـلاهـا
وإلا مكاتـب للعقـار وتصـرفعـان الدراهـم ماليـاتٍ يداهـا
وإلا شراطي بالمعارض وتحلـفوتزود السلعة على اللـي شراهـا
وإلا على سوق الغنـم لا تكلـفإحساب روس الضان خمسة علاها
وأقول أنا ماليبها خاطـر وشـفدنيـا دنيـة والمشاكـل وراهـا
أشوف لي نـاسٍ وراهـا تلهـفتركض وراهـا يابسـاتٍ شفاهـا
تدخل المبلغ ولا هيـب تصـرفحتى الحلم تمتـص منهـا دماهـا
وأنا بعد ماشفتهم رحـت منكـفوالعيـن نظرتهـا بعيـدٍ مداهـا
نفسي عزوف وللمعالـي تعـزفلو إنها مـا تملـك إلا عصاهـا
تدفـنـي للمعـالـي كــذا دفدف الرياح اليـا تقافـى هواهـا
وأطلع على روس النوايف وأشرفرجلي على العليا تسابـق خطاهـا
نومي خلا في بيت شعرٍ منسـفيسوى ملاييـن الفلـوس وغثاهـا
والبعد عن هرج القفـاء والملقـفناسٍ ورى المقفي تحذف حصاهـا
خصٍ اليا قامـت نياقـي تكفكـفتبى الرحول وحشوها من وراهـا
وضحٍ وبرهن مثل قطنٍ من الدفالكل منهن زينتـن فـي حلاهـا
يتعب بها راع النظر لو يوصـفطويل غاربهـا وفاهـق قراهـا
كـن رقبتهـا خيـزرانٍ منحـفمن مطلع المنكب مشت في قداهـا
مصندق القلـه وخشمـن مسيـفواللحي طافح والنظر في سماهـا
من شافها يمشي يصفـط وياقـفيقول كم هيبة وكـم هـو علاهـا
وأقـول ماتنبـاع لا لا تكـلـفهذا غنـى نفسـي وهـذا هواهـا
مع خوة اللي بالخـوي يتشـرفنفسه على طاعـة خويـة ولاهـا
طلق الحجاج اللي مع الناس يعرفبالطيب نفسـه مالحـق منتهاهـا
كريم لـو كـان لعشـاه يتسلـفطبيعة مـا هـي تطبـع خذاهـا
وختامهـا يالله بالعفـو واللطـفتقبل عمل خلقـك وتقبـل دعاهـا
انت الإله ارفع لك الكف والطرفيارب نفسـي لا تخيـب رجاهـا

صح لسانك يا ابو مالك وعسى الله يبارك بعمرك وفي حلالك

ودمتم بخير