منتديات شبكة قبيلة الغنانيم الرسمية - يا صغير..الامير طلال الرشيد

(يا صغير)
ياصغيـر مايكبـرنـي لـقـب
ومايصغرني إذا أنكرني صغيـر

ماخذينا الصيت من جمع الذهب
ولانسابة شيخ أو قربـة وزيـر

كاسبينه من هل السيف الحـدب
الجنايـز كـان ماجـاك النذيـر

صيتهم نجم على راسـه نهـب
سمعوا الصقهان به وأجهرضرير

في الوفا تاريخ أبيض ينتصـب
لا حكوا بالحق حييـن الضميـر

ضيغمياً للسنـا عيسـى انتسـب
لابة ظـل نابهـا عـرش كبيـر

عند حدك ياكثيـر الهـرج تـب
ولاتمر النـار وثيابـك حريـر

كان لـك عـز بذلـي اتعقـب
والله إلا تبطي وحبلـك قصيـر

أحسب أنك من صناديد العـرب
أثر ساترتـك عباتـك ياغريـر

ما حسب للسوس ذراع القصب
والقراده مادرى عنهـا البعيـر

ولو حسبنا للحسايـف والتعـب
مابذرنـا يالعصافيـر الشعـيـر

عن هلك ابـراي لله وأحتسـب
الرجال اللي مجاراهـم عسيـر

من قريش المصطفى وأبو لهـب
والدغالب ماغشت عتمه غديـر

للرجـال الرجاجيـل العـتـب
والزكاة تحل في حـال الفقيـر

لعنبـو وقـت غيدنابـه حطـب
تحرقـه نـارٍ يثورهـا أجيـر

ما ألومك الزمن سوى العجـب
هو بقى غير الكرامـه للجفيـر

ما أزل وراسـي يشـم المهـب
لوبقى من شمـر طفـل غريـر

وما أهاب ولا يزلزلني غضـب
الشجاعة ورث والعاقل غزيـر

ياصغيـر مايكـبـر باللـقـب
غير منهو كان من دونه صغيـر