منتديات شبكة قبيلة الغنانيم الرسمية - يالايمي بالخيل / للقسامي

- منتدى الشعر والقصص الشعبية (https://www.gnanim.com/vb/forumdisplay.php?f=11)

- - يالايمي بالخيل / للقسامي (https://www.gnanim.com/vb/showthread.php?t=3235)

يالايمي بالخيل / للقسامي

بسم الله والحمد لله والصلاة والسلام على رسول الله وبعد

اخواني اعضاء هالمنتدى الراقي عامه ومحبي الخيل العربية خاصة

السلام عليكم ورحمة الله وبركاته

انقل لكم هالقصيده الرائعه لخوي الشاعر ابو راكان القسامي

مؤسس منتدى القساسمه و صاحب مربط السنجر للخيل العربية الاصيلة

( يالايمي بالخيل )

الله من قلبٍ مولع ومفتون // مولعه شقر المهار الاصايل

شقراً عليها من صفار الذهب لون // ومخلطٍ لونه بحمر النثايل

يالايمي بالخيل بالهون بالهون // لا يالسنافي كب عنك العذايل

للخيل حبٍ داخل القلب مكنون // احبها من حبها لتخايل

رمز الشجاعه والفخر كان تدرون // اقسم بها الرحمن منشي المخايل

الخيل فيها الخير ثابت ومسنون // وصى بها محمد وديع الرسايل

ومن عرض ما جاء في المثايل يقولون // الخيل عزن للرجال و شكايل

منها كسبنا معرفة كل دندون // اعيال الرجال اللي تشيل الثقايل

الطيب لهل الطيب ثابت ومصيون // وشعاد لو الوقت بالبعد حايل

تكفون يا اهل الخيل تكفون تكفون // لا تقطعون الوصل والشك زايل

عمر الفتى مابين داين ومديون // بين الرجال ولا تضيع الجمايل

من عاشر الطيب رقابه عن الدون // سندبه العليا وروس الطوايل

ومن عاشر الخيب يحده على الهون // ما يسقي الضامي سراب القوايل

ويا لايمي بالخيل بالهون بالهون // هذي الفوايد شاهدة بالدلايل

++++++++++++++++

واتمنى تعجبكم ولكم تحياتي