منتديات شبكة قبيلة الغنانيم الرسمية - قدرالطنايا فوق مثل السحابة

سم الله الرحمن الرحيم

هذه القصيدة مجاراة لاحد شعراء قبيلة شمر ( السناعيس )

سميت بسم اللي سلم من لجابه * الله عظيم الشان فكاك الانشاب

واللي بعدها مرحبا مرحبابه * خطٍ لفاني من عريبين الانساب

قدر الطنايا فوق مثل السحابه * نحبهم فاالله عكفان الاشناب

شمر سناعيسن نهار الحرابه * يروون حد السيف من حمر الارقاب

فيهم كرم حاتم وكلٍ حكابه * الضيف لاجاهم يشرع له الباب

وحنا عتيبة من سلايل شبابه * ذباحة الحايل شبا كل حراب

تاريخنا معروف قبل الصحابه * عتيبة الهيلا على كل هنداب

مع دربنا تشبع طيور وذيابه * خضنا الجزيرة بملح السيف غصاب

والنا الشرف خوال خيرالصحابه * المصطفى اللي خصه الله بكتاب

وصلو على اللي كل مجدٍ رقابه * امرن من المعبود فكاك الانشاب

الشاعر : جازي بن مفرح العطاوي ( حاوي الطيب )