منتديات شبكة قبيلة الغنانيم الرسمية - .[ مميّز]. / قصيدة الشاعر / قايل بن ذاكر الغنامي

- ديوانية شعراء الغنانيم (https://www.gnanim.com/vb/forumdisplay.php?f=49)

.[ مميّز]. / قصيدة الشاعر / قايل بن ذاكر الغنامي

http://www.gnanim.com/vb/imgcache/132.imgcache.gif

السلام عليكــــــم ورحمة الله وبركاته
بناء على طلب الأخ أبو ساري عندما أراد تكملة لقصيدة الشاعر قايل ذاكر الغنامي
ومناسبة القصيدة هي أن الشاعر كان في رحلة مع معارف له حيث انتقد بعض
من الأشياء في عوايدهم
فذكر عوايد ربعه الغنانيم اللى تبيض الوجه وترفع الراس فعندها كتب هذه الأبيات

ياقطعك يامجلس يحضره هداريس= يعنك لن حضروه مافيه اناسه
اللي ليا جو في المجالس مقابيس= صجوا ولجوا واستلجت حساسه
كلن معه حسَه وعنده حواسيس= ويمد بالهرجة ولو هي خساسه
أمامدح نفسه وزود على القيس= مايدري إن الناس تعرف قياسه
ولاَ تقفى أهل الوفاء والنواميس= بالكذب والنمات هذاك ساسه
يشذب عراقيب العرب ضنوة ابليس= عساه للشاذب وينداش راسه
وأكثر مصايبهم اليا قلط التيس = شجعان من داني وراحت هياسه
رحنا وطي لأهل الوجيه المعابيس= اللي اليا حضرت تضيع الحماسة
ومن لا يدوس الرأي قدام ماديس= يصلف ويتلف والسبايب عكاسه
وياربعي اللي يبعدون المراميس= اللي لك الله مادخلهم حواسه
اللي ليا حضرو تزين المجاليس= وسوالفن للرجل تقعد اعماسه
ماشافوا أهل الكهكه والدنافيس= هرامة المجلس بكثر الهلاسة

رد: قصيدة الشاعر / قايل بن ذاكر الغنامي

تسلم يا أبو بتال وبيض الله وجهك على هالاهتمام
وصح لسان القائل :
أمامدح نفسه وزود على القيس .مايدري إن الناس تعرف قياسه
وسلمت يمينك وتستاهل الفايف ستار.
وتقبل مروري.