|
في دنيتي هاذي تعلمت
في دنيتي هاذي تعلمت ؟؟
-------------------------------------------------------------------------------- في دنيتـي هـذي تعلمـت حاجـات هاكم بعض ما فادنـي بـه زمانـي مااتبع اللـي صـد عنـي بلحظـات ولا ارخص اللي بالمحبـه شرانـي واذا رحلت ارحـل بعـزه وبسكـات ما رد صاع اللـي بغـدره كوانـي اما أجي كلي شعـوري مـع الـذات أو ابتعد كـن مـا عطيتـه حنانـي عرفت ان المحبة فعـلاً مقامـات امـا مؤبـد او يُـعـوّض بثـانـي عرفت ان اصعـب وفـا بالأمانـات يومي عطيت القلب شخص ونساني في دنيتي ذقـت النكـد والمسـرات اسعدنـي اللـي بالمهالـك رمانـي اقوى الطعون اللي تجي بالخيانـات لاصرت مجني وأغلى انسان جانـي اللي ضحكلي شلت عنـه الملامـات ياللأسـف حمّلتهـا مـن بكـانـي لكن هي الدنيـا تجـارب وغلطـات خطـا عملتـه ولصوابـي هدانـي عرفت كيف اضوي دروب المتاهات عرفت كيف القاصي يكـون دانـي لجل الأمل بسعـى فكـل المجـالات مـا ضيّـع الأمـال غيرالتـوانـي لو مات امل عندي اباقـول مامـات أفرح به أكثر يـوم احققـه عانـي في كل اموري راح اعيد الحسابـات أحرم 00واضاعف بالعطا من عطاني حرّمت اعاشر من يطيع الوشايـات حرّمـت اخـاوي واحـد ٍ مابغانـي حرّمت اصدق كلمةٍ ما لهـا اثبـات حرّمت وصلي مايجي مـن جفانـي تعبت اجامل واكتم بصـدري آهـات اضحك وقلبـي جمـرة ٍ بالمحانـي |
رد: في دنيتي هاذي تعلمت
[tabletext="width:70%;"] | [/tabletext]صح السانك قصيده جميله لجل الأمل بسعـى فكـل المجـالات مـا ضيّـع الأمـال غيرالتـوانـي |
رد: في دنيتي هاذي تعلمت
ياسلام اخوي علي وبعدين كثر اسم علي في الغنانيم انا اسم ي علي:)
|
رد: في دنيتي هاذي تعلمت
صح لسانك وعلى شانك ياعلي
اذا تقبل مني هالمداخلة بقولها لك يبن العم الا وهي << لايفوتك الا وهي ترى متعوب عليها ههههه الا جد اخوي انت تقول في هالبيت حرّمت اصدق كلمةٍ ما لهـا اثبـات حرّمت وصلي مايجي مـن جفانـي بس حبيت اقول لك لاتحرم وصل من يجفاك فإن صله من يجفاك هي صلة الرحم التي وصانا بها محمد صلى الله عليه وسلم اعجبني كثييييراً بيت الأمل تحياتي لك تقبل مرور اخوك المحترف |
رد: في دنيتي هاذي تعلمت
شاعر واصل وان شاء الله تنظم لديوان شعراء قبيلة الغنانيم
|
| +4. الساعة الآن 11:19 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط