منتديات شبكة قبيلة الغنانيم الرسمية

السلام عليكم ورحمة الله وبركاته

هذي قصيده اعجبتني
ياهم ليتـك يـوم قفيـت ماجيـت

=================

ياهم ليتـك يـوم قفيـت ماجيـت
ليتك علـى وجهـك مقفـي ليالـي

رجعت يوم اقفيت وشفيك ما بطيـت
في غيبتك مرتـاح بالحيـل سالـي

عزالله انك جيـت يومـك ترديـت
خليتني اشكي على النـاس حالـي

ياما من اسبابك عن النـاس قفيـت
عزلت نفسي عن عمـام وخوالـي

وياما من اسبابك على الخد هليـت
دمع العيون اللي على الخـد سالـي

وياما بكيـت الليـل كلـه وبكيـت
من هو جنوب البيـت ولا شمالـي

وياما من الضيقات للجيـب شقيـت
وامشي وانا كني من العقـل خالـي

وياما من الضيقه عن البيت صديـت
وازبن على المشراف واجلس الحالي

واقول في نفسي انا ويش سويـت
وشفي زماني يا عرب مـا صفالـي

مامر يوم(ن) فـي حياتـي تهنيـت
طعم الفرح سعره على القلب غالـي

وياما وياما فـي حياتـي تمنيـت
يرجع لي اللي في حياتـي مظالـي

قلبي يعزيني وانـا اليـوم عزيـت
فكرن عجز يلقى جـواب السؤالـي

انشالله تكون اعجبتكم