|
البصيص عند فاجر .. الشاعر : فاروق الكسر
يوم عيني خايلت براق خده ### والمنايا يوم سلهم في المحاجر
لا تعد الكسر عقبه لا تعده ### راح مرواح البصيص عند فاجر جادلٍ سلك البريسم دق قده ### لا تمايل قلت غصنً جاء لحاجر شبه وضحاً رعوجت يم الموده ### يوم صاح الها على ملي الحناجر النحر مليان والمثناه نده ### والنهد رمانتٍ في غصن شاجر والجديل يطير واليسرى ترده ### كل ماهب الهوى قايم يتشاجر كل ماأومت في دجى المجدول يده ### لاحني ليل الشعر برق المناجر وانا مالي قوةً عن صد وده ### وياعسى من صد وده مايواجر ربي اللي يامر الشر ويضده ### لين لاح الصبح في جنح الدياجر وانا عنده شاكي لوع الموده ### ولا لعيني عن هميل الدمع زاجر اتوددله واشكوي له مصده ### لاتهاجر ياعذابي لا تهاجر لين جاني وارتخى من عقب شده ### ثم سقاني من ثناياه السناجر كن طعم الريق من ثغرً يمده ### في لساني مثل خجات الخناجر الشاعر / فاروق الكسر المرشدي |
صح لسان قايلها
لاهنت يابن مزنوت على النقل دمت بود |
صح لسانه ولسانك يابو فالح الله يرحم ابوك قل امين اشهد انه جاب رجال
|
بيض الله وجهك ياجهز :cool: |
لاهان غاليك يا غيمار
واسعدني مرورك |
دريد بن الصمه لاتهور شوي شوي
واسعدني مرورك |
الغنامي صح بدنك يالغالي
وجزاك الله الف خير ولا عليك زود طال عمرك اسعدني مرورك |
ووجهك يا حر نجد
واسعدني مرورك |
صح لسان الشاعر ومشكور قرناس نجد
|
الشكر لك يا قرناس نجد
|
| +4. الساعة الآن 07:23 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط