|
شوفي بدمعه
هذه قصيده من قصائد الشاعر المرحوم مشيلح بن مطلق الغنامي
شوفي بدمعه فوق بيض المحاجير يوم الرحايل للمباني تدنا يمسح خدودٍ كنهن النواوير ويضفي عليهنه بكفٍ محنا موقفين المال قدم الدواوير الهدي بارك والزعاعه مثنا احدٍ من اقبى زاهبٍ للمحادير واحدٍ يبي يطلع مع الريع منا ارجي ترجعهم صدوق الشخاتير لين الضعون المقفيه يقبلنا حتى يجن ضعون خلي مناحير واعطيك ياقلبي على ماتمنا يادرةٍ ماقلبوها البياطير ولا زاقفوها بين هنٍ وهنا ولا تستوي لاهل الوجيه الدناهير عشقة ربوعٍٍ يزبنون المجنا حليها بالوصف شقحا مغاتير لا هزعة الموخر ولا هيب دنا شقحٍ من اللي وسمهن البواكير ماعروجة لحوارها يوم حنا ولا دقها الحاشي ولا جالها ضير ترعالها وادن زهوره تثنا والعين ماتشبح لعذال ومشير غادٍ بهاقلبٍ هبيلٍ معنا |
رحمة الله علي مشيلح ابن مطلق
المحتشمة كل الشكر لك |
المحتشمه
مشكوره على الاختيار وتسلم يديج والله يرحم مشيلح رحمةً واسعه تحياتي وحترامي لج |
المحتشمه كل الشكر لك والله يرحم ابن مطلق صاحب القصيده الرائعه
|
الله يرحم ابا الضعفان رحمة واسعة
|
الله يرحمه ويسكنه فسيح جناته
وتسلم اناملك علي الطرح وياليت اذا عندك قصايد له تزودينا بها شاكرين لك |
| +4. الساعة الآن 02:29 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط