حب البداوه
 

السلام عليكم ورحمة الله وبركاته
عدنا لكم بهذه القصيدة المتواضعة اتمنى أن تنال اعجابكم
واعتذر لانقطاعي عنكم لضروفي الخاصة

قم قرب العزبه ترى خاطري غلق
والوقت عيت لاتناسب ظروفه

بابعد عن الجدران ومفاقض الخلق
وعن ديرةٍ مقعدك فيها حسوفه

طعامها ماعاد ينحي مع الحلق
وليا غصبت النفس كبدي عيوفه

حب البداوه فالقٍ خافقي فلق
لوأن ماضيها علينا كلوفه

وجدي على شوف الحيا والهوا الطلق
في خايعٍ صلف الهبايب تلوفه

أرض خلا فيها أم سالم لها ولق
والكيف مطنوخ النشاما يحوفه

والبرق في صدر السما يشلقه شلق
يوم يتكاشف في علاوي قنوفه

لوحات رسامٍ على مهنته قلق
والا الدفاع مسويٍ له بروفه

ياملقي الاخبار عن ماسمعت الق
الناس كلٍ يختلف في شفوفه

سفير الطيب كل الشكر لك


على هذه الكلمات الشفافه

تحياتي وتقديري

وجدي على شوف الحيا والهوى الطلق
في خايعً صلف الهبايب تلوفه
صح لسانك قصيده جزله

صح لسانك قصيدة جزله من شاعر جزل
تقبل تحياتي وتقديري

سفير الطيب
صح لسانك على هذي القصيده الجزله

مبارك العتيبي
غيوم نجد
سعد الغنامي
سلطان براك
أصايل
صحت ابدانكم ولكم كل التقدير على مروركم الرائع