شقير براصي أنكا ن موجود
 

أن قلت حيال الصلاه أنقول حيال الفلاح = لاكن عندك شك في تمرتك لين تذوقها



ماني بخابر عندك إلا الطير مكسور الجناح = وإلا الغشيم اللي ليا شبعة يجيك يسوقها

ماعاد نبغى يا مبارك لاهجاد ولا صباح ..احصد من الشوكة عنب يالي سقيت عروقها
العام تاذن فالمنابر في مكان ابن رباح .. واليوم ذبحت اليتامى ثم اكلت حقوقها

مبارك ..
انته تعرضها الهوى وانته تعرضها الصياح .. اصبر عليها لين فالمنشا تلوح بروقها
العام فوق الميركه واليوم من خلف السناح .. لومك على اللي فوق غاربها ربط معلوقها

الرد ...

انت تعرضها العرب لان الذرا والبيت طاح .. حتى الضيوف الللي تجيك تخمها بحلوقها
وانا ادري انك تتجيب الغايبة وسط المراح .. وعكاظ تعرفها يابن مطلق وتعرف سوقها

مبارك ..

انته عليك حقوق يامرزوق مدري يا فلاح ... وطيوركم ماعاد يفرق حرها غرنوقها
ماتنطحون القوم وانتم لاسيوف ولا رماح .. تبت شهود الزور واللي ربها بشدوقها

الرد ..
انت تجي وتروح يا مبارك مع الحزم البراح ... تبغا تغطي الشمس بالغربال وقت شروقها
حنا نعرف القوم روعها الصفير بلا سلاح ... ارض الكنانه ماتبي السيسي تبا فاروقها





مبارك


الله يصبركم على اللي راح واللي راح راح = وأنكان طاحة بأمر خالقها صبر مخلوقها


والضاهر أنه ماصلح مسلم ولاحوله صلاح =لاكن يا ليته تركها ما فتح صندوقها

كلام جميل ومحاوره ممتعه الله يعطيكم العافيه

مشكور ياغنام الغنام على الطرح الجميل

مرورك اجمل يابوبتال مع العلم ان كلن في وادي وفيها تعديلات ومسح وشكرا لك

مبارك
لوتا تعلم شغلت التنقيح يالسيد نقاح
منته بعارف ويش ينفعها وويش يعوقها
ومساح يالتمساح تاتلعب لها لعبة مساح
والطيبه وقت الخطر تظهر على سمحوقها

شقير
انا اعرف انك ذيب امعط مايخاف من النباح
تسرق جفار البدو يالامعط وتسرق نوقها
في ذمتي ماشفت مثلك فالقيطيف وفي رماح
اثره صحيح ان الرجال تبين من منطوقها
ههههههههههه

مبارك
اردو على العد الهماج وخلو العد القراح
وانكان زاد طحينها ماينضبط مرقوقها
محدن يعالج جرحها حتى دكاترت الجراح
مير اجعلوها نقنقه لاينكسر طابوقها

شقير
الظاهر انك يابن عمي عايش لك مع شباح
منته بتحت الارض يامبارك ولاانت بفوقها
ازعل على اللي جاب لك رتبه ولبسك الوشاح
ومالي ومال الناس عاقلها ولامطفوقها

مبارك

يبغا يكافح زيد لاكن ماعرف درب الكفاح... نسي الزبيدية ونسي انه وطا رقروقها
الى شرب كاسة عسل زاده من السم ذحاح ...والناس مدري ليش عاتقها كره معتوقها

شقير


انت نسيت انا وانا عمك لعبنا قرين ضاح .... وان كان تتبوق العهود اللي قديمة بوقها
وهاذي قديمه وانقزوها يامولت القاح .....وش عندكم ياهل البشوت اللي وساع شقوقها

مبارك


الله يصبركم على اللي راح واللي راح راح = وأنكان طاحة بأمر خالقها صبر مخلوقها
والضاهر أنه ماصلح مسلم ولاحوله صلاح =لاكن يا ليته تركها ما فتح صندوقها


الرد ...


كنا نجي ونروح انا وياك جعلك بالرياح ... وام الكباير ماتدورنا تدور شوقها
بقعا عساها تصوعكم ياللي تهلون السباح ... ناس تبا تفرح وناسن تتزيد حروقها




ملاحظة .. الكلام موجهه للجميع خاصة ابو بتال والاعضاء المحترمين نرجو عدم التدخل وتعديل القصيدة من طرف اي احد علما بان انا وزميلي متفاهمين ولكن حصل تدخل وحذفت بعض الابيات من طرف مجهول حنا المحل والمحل للجميع وشكرا للجميع