منتديات شبكة قبيلة الغنانيم الرسمية - قصيدة المزن لـ / مارق الغنامي ..

السلام عليكم ورحمة الله وبركاته ,,,

من قصائد / مارق عبيد حبيب الغنامي
يقول فيها ,,

في حزتن كل العرب ترقب خيال

والكــل يــم الوالي يرفــع يدينــه

شوفتك يامزن(ن) لفا تشرح الحال

شوفـتك تنسي كل مديون دينــه

بنشدك يامزن(ن) تراكم همال

عن الوليف اللي خذا العقل زينه

تبرق وترعد فوقنا لكن البال

مع منهو ياسرني بنظرات عينه

يامزن والله شلت لي حمول(ن) ثقال

واشيل كل حمول هزله وسمينه

ورغم القسا في وقتي الدمع ماسال

ولا قد شكيت الحال زينه وشينه

والحين حالي لاهو يسر ويقال

من يوم حبه طاح قلبي بكمينه

يزورني طيفه ولايقول لي قال

وانا احسبه مرسول بيني وبينه

واقفيت يامزن(ن) وزليت مازال

شوقي لمنهو صار قلبي رهينه

وختامها طالبك يالله ياوال

في بعدها يالله حالي تعينــه