|
الشاعر / عوض بن بادي الغنامي
السلام عليكم ورحمة الله وبركاته قبل مدة سئل الأخ طلال الغنامي وفي صفحة (28 ) عن قائل هذا البيت : ألآد غنام ياحماية التالي ** الزايده ريعولي راس راعيها وأجبته عن قائلها ومناسبتها وللأسف لم يحضرني منها إلابيتين وهي للشاعر سالم بن هجيره الغنامي في وقت مزابا الغنانيم والمغايره : ورد نوح يقول لجدي يقصد جده عوض بن بادي رحمة الله عليه ويقول سوف احضر القصيدة والمدة طالت ولا احضر لنا شي الله يسلمه . وبعد البحث والتحري في موروث اجدادنا وأسئلة كبار السن في الغنانيم وجدنا قصيدة عوض بن بادي الله يرحمه ويقول فيها : سر يانديبي تولم فوق مرمالي ** عمليتن كن الأدميه توازيها وَسّلم وَسَلمْ على منصوبنا الغالي ** اللي على الحق والقاله يسويها هوه وعنده يجي عشرين رجالي ** اهل ضمايد احزمها في مثانيها ثم اوتلم فوقها ياطيب الفالي ** ودنات نزل العوالي لا تعديها ووصلي العلم مسري يابعد حالي ** وسرور عيد الحراير هي وهاليها والعذر منهم ومن لمة ذوي عالي ** ياناقة الخبل ماسنعة راعيها مير الآدغنام ياحماية التالي ** النفس تدبيرها في يدين واليها انكان شرهوا في اباعرنا ذوي عالي ** ارقابنا دونها للموت نهديها قدام حكم السعودي والله الوالي ** كم خصلتن دونها تقصر يمانيها نرعابها ديرة الأجناب ونوالي ** في الديره اللي منول مايجي فيها وترعى الطنف في ذرانا كل مشوالي ** والموت ابنذرك ياميزان اهو فيها الشاعر / عوض بن بادي الغنامي |
ابو بتال تسلم على النقل المميز
رحمة الله على الشاعر رحمه واسعه تقبل مروري مع تحياتي |
ابو بتال تسلم على الاختيار
والتوضيح تقبل تحياتي |
ابو بتال طرحك ومميز وانا ارى انك اضافه للمنتدى الله يطول عمرك
|
مير الآدغنام ياحماية التالي ** النفس تدبيرها في يدين واليها
البت هذا من جبته القصيده فعلا لجدي عوض بن بادي وانا والله العظيم انه معلمني بها شخصيا الله يرحمه معلمنا بها الشاعر كريم بن عاذي في العيد يوم جينا لعرس خالد قائل بامكانك يابوبتال تسال كريم عنها لكي تقنع والقصيده ثلاثين بيت وتعيدل البيت المذكور اعلاه وهو البيت الصحيح واجزم عليه ونا سامعه من جدي شخصيا الاد غنام ياحمايت التالي= الزائده طمنولي راس راعيها اوانت يبوبتال نسبت القصيده لسالم بن هجيره وانت ماتدري عنها لكن اسال الشاعر كريم بن عاذي ويعلمك بها ثلاثين بيت تحياتي |
ياأخي القصيدة مثل ماقلتك وانا تقابلت مع ماجد بن باجد الغنامي وعلمني بقصيدة عوض الله يرحمه
وقصتها كامله وماجد بن باجد من الي يعرفون القصه والقصيدة وألأختلاف بين البيتين واضح سالم بن هجيره يقول : النوم يا الربع مايطري على بالي *** متى احتر القافله وأحسب لياليها الآد غنام يا حماية التالي *** الزايده ريعولي راس راعيها وعوض يقول : الآدغنام يا حماية التالي *** النفس تدبيرها في يدين واليها انكان شرهوا في اباعرنا ذوي عالي *** ارقابنا دونها للموت نهديها وقصيدة عوض الله يرحمه في العالي لأن العالي متهم الغنانيم في ناقه وعوض الله يرحمه صاحب شجاعه وكرم وصدق وأمانه وغني عن التعريف وسالم بن هجيره غني عن التعريف الله يرحمه وأنا ياأخي لايمكن اكتب شيء ماعرفه |
رحمة الله على الشاعر ين رحمه واسعه
تسلم ابا بتال والاخ نوح والاختلاف لايفسد للود قضيه تقبل مروري مع تحياتي |
| +4. الساعة الآن 11:37 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط