|
صاحبي يلبس البرقع
صاحبي يلبس البرقع ماهي عاد تله *** مير أخذ سلم جيرانه وصارت طبيعه مثل من قال لا جيت الوطن خوذ دله *** اتبع الناس ون ماطاعك الوقت طيعه هيه يالي مكلفكم على برقعاً له *** وسعو قرضته ترى عيونه وسيعه فصلوله حريراً ناعماً ما يمله *** حيث بشرة خدوده بالتأثر سريعه صاحبي لا هرج تشفق على هرجتله *** من حلاوة كلامه كن هرجه يبيعه يوم اشوف المحاجر والرموش المظله *** وعاتقن كنه ارقبة الغزال الرفيعه ياصلاة النبي ويش جمع الزين كله *** لو احليه كنه بالأصايل طليعه كاملن زينه الصافي وهي تستغله *** بالعقل والأنوثه والمحاسن فظيعه عيني الي على شوفه ودودن مغله *** ماغفى جفنها تمسي وتصبح فجيعه الشاعر / سليمان الهويدي |
تسلم يدينك وصح الله لسان شاعرها
واضن اللحن للقثامي الله يرحمه |
ابو بتال شــــــــــكرا على هذه القصيده الرائعه
تقبل مروري مع تحياتي |
اقتباس:
المشاركة الأصلية كتبت بواسطة غنام الغنام http://www.gnanim.com/vb/gnanimxp/buttons/viewpost.gif تسلم يدينك وصح الله لسان شاعرها واضن اللحن للقثامي الله يرحمه الله يسلمك ومشكور على المرور العطر الله يحفظك بحفظه |
اقتباس:
المشاركة الأصلية كتبت بواسطة غيوم نجد http://www.gnanim.com/vb/gnanimxp/buttons/viewpost.gif ابو بتال شــــــــــكرا على هذه القصيده الرائعه تقبل مروري مع تحياتي مشكوره على المرور العطر حفظكي الله بحفظه |
ههههههههه
أبو بتال يسعد أيامك ماكنت تحب الغزل يعني فكرت في الثانيه وإلا في الثالثه هههههههههه |
اقتباس:
المشاركة الأصلية كتبت بواسطة مبارك العتيبي http://www.gnanim.com/vb/gnanimxp/buttons/viewpost.gif ههههههههه أبو بتال يسعد أيامك ماكنت تحب الغزل يعني فكرت في الثانيه وإلا في الثالثه هههههههههه هههههههههههههه والله انك تشوفني الأيام نسير على الجماعه والله يجيب الخير ههههههههههه مشكور على المرور العطر حفظك الله بحفظه |
| +4. الساعة الآن 03:50 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط