|
ماحله الشاوي و داجه بمعزاه
الله يسعد أوقاتكم أنا نويت أسلي خاطري وطفشكم
بكلام أبي أقوله لكم ماعمره مر عليكم لاأني أبي أطلع من المنتدى تبي تعرفون الكلام أنزلو تحت بعد بعد توكم بعد بس وقفو ------------------------------------------------------ مريت لي دارن شحــــــــيح ن على ماه = ومن شــــــــــــحه البدوان ما قيضة به ماحـــــــــله الشاوي وداجه بمعــــزاه = وراع الغــــــــنم ما حل فيه ورعة به ماحــــــله إلا راعي الــــــــذود برشاه = وضح ن ليا طـــــــــاح الربيع نزحة به وإلا مجــــــــاهيم ن خـــــطا أيام ترعاه = تاخـــــذ سبوع وشي ما طــــــــــولة به والى أصبحة مع طلعة الشمس تنحـــــاه = إما عــــــطة به شرق وإلا أشمـــــــلة به وجـــــدي على حياً سكن به وحــــــــلاه = الجــــــادل اللي ياسنـــــــــــــــد نورة به اللـــــبس يزها ها وبا العكس تـــــــــزهاه = وأن لبســـــة الثوب الحرير كشـــــــخة به تقــــــول ممــــــالا عــــــــــليه مـــــوصاه = زلت وتلــــــت خــــــافقي ثم غـــــــــدة به الشاعر/ مبارك العتيبي ههههههههههه لايزعلون علي بعض الناس |
يابو ممدوح مايصير لاتطلع من المنتدى الله يعطيك العافيه مانستغني عن طرحك الغالي
والرجال الي فيه خير مايستغني عن ربعه حتى لو انهم شواوي |
ابدعت كعادتك يابوممدوح وبدري على الاعتزال الشاعره تقول ( العوود ليا منه وصل عمر ستين ~ماتقبل منه حتى الشهادهّ لاقاضين حاجه ولا قاضين دين~ يروح مخه مثل مخ الجراده)
ملاحضه لو اعتزلت انا بقدم استقاله بعدك على طول واعيدها واكررها لاتستعجل في قرارك ..؟ وتقبل تحياتي واشواقي |
الله يمسيك با الخير يبو بتال
إذا جاكم فا سقً بنبأ فتبينو والربع يمكن يجيهم نقال حكي ولايحبون يتبينون على كل حال المقصود ماهوب الزوبعه با الكلام ولاكن أنا ماحب النميمه ولانقل الحكي ولاتطريد الحكي ولاني برايح أتزعزع من أي كلام يكون لعلمك لاني واثق بنفسي والناس بكيفها تزعل ترضأ تصدق تكذب فيه حاجه وحده أحمد الله عليها ألا وهي ضليمة الناس لي والله أني مبسوط كل البسط وأقسم با الله وأني مرتــــــــــــــــــــــــــــاح يوم أسمع واحد يقول في شي ليسى في وأعرف أنه يقول أكثر مما أسمع ولاكن الحمد لالله ولعلمك أن عندي دسكات هكر أدرسها هلحين ولو أبي أضرب أجهزتهم والله أني لاضربها لاكن ما حب الاذى وهم يحسبون أنهم فوق الناس ما يدرون وعلى كل حال تقبل تحياتي وأحترامي |
هههههههههه
لاكن الشايب وش قال قال ساعته تلعج كما ألعاج النعايم =ويتعطر والتعطر فيه بونه ومن كراوي 0000000 ركب سنونه هههههههههههه |
وجـــــدي على حياً سكن به وحــــــــلاه =
الجــــــادل اللي ياسنـــــــــــــــد نورة به مبارك العتيبي صاحب القلم المميز يالها من كلمات ذهبيات رايعات تسلم لناويسلم نضب هذا القلم الذهبي الرائع لا خلا ولا عدم تقبل هذا المرور مع فائق الاحترام |
ابو ممدوح اسعد الله مساك وممساك من ممشاك لحد ماطاك ووقع في ارضك من سماك وانت فاهم وتعرف اصدقاك من عداك ولاتخليها تثور في خباها كلمة ناقصه لاتتبعها وانت اكبر من الشي هذا حسب معرفتي بك ودخيلك قفل الموضوع هذا لانه اخذ اكبر من حجمه الدعوى سوء فهم في البدايه وبغت تتطور لاكن الحمدلله انكشف لك خوافيها وانت تدري وانا ادري ان معقدة الشوش ماينضر لهم الا اذا كنت تبغا تخسر اصحابك
ولايوجد كامل الا وجه الله |
[FONT="Fixedsys"]يا المستلبد الله يرضا عليك ويرحم ولديك مايخفاك شي ولاكن الرجال العاقل إذا شاف أنه مخطي ورفيقه مخطي يتراجع عن خطاه حتى رفيقه يحس بخطاه بعد
وأنا حاسبة نفسي ولالقيت أي سبب ماجا أحد مني ربع كلمه غلط واللي جاه مني غلط يطقني في وجهي الحمد لله واثق من نفسي وأنا كنت أتوقع أنهم صغار سن وجهال وأتضح الامر أنهم كل واحد عنده خمسه وإلا سته أطفال الله يخليم له وعلى كل حال أنا وياهم بنتحاسب عند واحدن ما يضلم أحد وهذ من حضي أنشا الله با النسبه للخروج من المنتدى والله ماغير أضحك المنتدى منتدى الغنانيم كافه الله يطول عمر القايمين عليه الرجال اللي فيهم خيرمثلك وشرواك تقبل تحياتي وأحترامي |
يابو ممدوح زوايدن بين قومها ماتعورها والحاصل بينك وبين ربعك سيلٍ يقطعه البهم
وألأمركله سهل والي واثق من نفسه ما يلحقه شك والجدال يأثر ألأشكال وعلى قولت راعِ المثل خشمك خشمك لوكان ارثم |
يابو بتال الله يسعد أيامك ويرضى عليك ويوفقك
الدعوى بسيطه لاكن بعض الشي ماله داعي ولو ماهم برجال كبار سن ما شرهت عليهم لاكن عويد والمره هذي نزلت قصيده فيهم بدون أسما والمره الثانيه بنزلها با الاسما وأفضح المستور ؟ماغدالهم شي غير وصاخة نفوس والاذى غير مقبول من أي أنسان هل تقبل على نفسك أكيد لا وأنا قلت من قبل لو أبي أذيهم والله لجننهم لخلي كل واحد يشتري جهاز شهرياً وألا يعاف المنتديات وعلى كل حال جزاك الله خير تقبل تحياتي |
| +4. الساعة الآن 11:37 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط