منتديات شبكة قبيلة الغنانيم الرسمية

بغيت اشتكي وليا ان شكوى الجماعه عيب
لقيـت العـرب شكّـاي ربعـه يسبونـه

بعد جيت ابن قاسم على مجلس التأديب
تركـت الذلـول الـي سببهـا هذا لونـه

الا يا نديبي فوق من ينطح التهريب
ليـا عد ميـه قـام يلعـب دركسوـنه

ابا ابعد عن الشرطه وافارق جنود الذيب
لـدارٍ يـبـيـدن الونيتـات مـن دونـه

وياحن قلبي حن فرتٍ بعد توضيب
تحت خارجيٍ ما طفت نار غليونه

بعد سرّحه من باب سنبل قفاه لهيب
ماغير المعاون عند خشمه بجالونه

على الي ليا منه بلج عن زرار الجيب
مثل مختصر سلمان للي يخصونـه

انا بنشد العرّاف مافيه شك وريب
عن الحاكم الي شوخ ربعه يمضّونه

بعضهم فهيمٍ باللغه يحسن التعريب
وبعضهم عمى قلبه ولو شاف بعيونه

الشاعر / بندر بن سرور