منتديات شبكة قبيلة الغنانيم الرسمية

يانفس جوزي واقنعي بالـــمقادير
ومالك مــــع الدنيا تبي تـــاخذينه
ما قدر المولى على العبد بيصير
شطر سكن فكر العقول الذهيـــنه
الوقت يجري والليالي مغــــابيــر
وسر المنايا ما يعرف السكــينـه
يوم تياسير ويـــــومن مــــعاسير
وشين الزمان اصباح رفيق لزينه
من عاش بالدنيا يشوف المخاطير
مكتوب مايلقاه بعلـى جبيــــــــنه
يبقى الزمان يدور بالشر والخير
وكل نصيبه من زمانه يــــــعــينه
مايجهل الدنيا حـــــــكيم التفاكير
يعرف مدى وقته ويعرف سنينه
هاذ الزمان ايعور القلـب تعوير
ايموت الرجل قــهر اوغبـــــينه
ماحدن سلم من جايرة المقاديــر
الي الذي يرفـــــــع لربه يدينــــه
والي سجد لله وقت الاساحــيــــر
عبدن جعل عمره لربه ودينـــــه
والي قضا عمره بركعه وتذكـير
ومن العطاء والجود مرخي يمينه
هاذي صفات اهل الوفاء والمناعير
اهل القلوب البيض من كل شينه
اهل نوايا بالخفاء تنوي الخـــير
خلة فعول اهل الغدر والدنيـــنه

كلمات
داوود المورقي