منتديات شبكة قبيلة الغنانيم الرسمية

البارحه .. زل اكثر الليل واعي
سهران والي راقدس مادري بي

اشري وابيع بحسبةٍ ما تباعي
خطرٍ من التفكير راسي يشيبي

تحسّني كلمة خطاة .. الدناعي
الي ينمّ بغيبتي وش يبي بي

يستر عيوبٍ ماسترها القناعي
مستّرٍ عيبه ويحكي بعيبي

لو كان ما زوّد عليها ذراعي
ولا قدْمنا باج الطريق الصعيبي

ما غير بين مفصّلات الجزاعي
طول السنه عن عشقته مايغيبي

وان كان في البندق معاشه قطاعي
ولا انثبر بين املته والقليبي

او راح يطرد له جفارٍ ضياعي
ولا حمارٍ حادرٍ له شعيبي

ولا مشى بامر الحليله وطاعي
يطيب له ولا على غير طيبي

وان كثر مالك صرت رجل اجتماعي
لو كنت بالماضي تعصر الزبيبي

حطوك رجل وزودوا فيك باعي
ناسٍ تعصر الضرع تبغى الحيلبي

وان قل مالك جيت من غير داعي
تجلس بدون فراش كنّك غريبي

افواههم وسط المجالس وساعي
وازين حصيلك قول كلمة يهيبي

في فيّة الجدران دايم مقاعي
مخطين درب الوارده والعزيبي

الشاعر / بندر بن سرور