منتديات شبكة قبيلة الغنانيم الرسمية

الا واهني الي تمرجل بصك تراب
لالا لجنة التثمين ما عاش مع غيره

وانا كل ديره جيتها وادرك الاسباب
ادور نصيبٍ بذ رجلي بـ تدويره

الا وا وجودي وجد من صك دونه باب
بقفل اعجمي ٍ مغلقاتٍ مساميره

عدو به على الي كنه النسر بالمرقاب
على الجمس الاصفر كاملاتٍ شراشيره

معه فرت خمسه طن ياخذ مية ركاب
ليا حاسب السواق تقدح مواخيره

صنايع بياطير الكفر لابسين الكاب
عصاة اليهود الي مشاريبها البيره

والا واهني الي عن الود ماقد تاب
وانا تبت عنه وعدت له يالله الخيره

ورايه لـ لعب القاف ناس وانا لعاب
ليا ما صخرته نقدوني صواخيره

الشاعر بندر بن سرور