نطرد سراب أحلامنا والله يدبـــــــر مايـــريد
 

الليل يطوي للنهــــــــار وينبلج فجــــرٍ جديد
والعمــــــر ينقص كل مايطلع نهــار ولايزيد

سنة حياه ومنهجٍ عبــــــر السنين وكل حين
حكمه تبيد الخلق والدنيـــا ولايمــــــكن تبيد

وحنا البشر مانعلم الحكمـــــــه وتدبير الإله
نطرد سراب أحلامنا والله يدبـــــــر مايـــريد

نضحك لساعات الفرح لو الفرح عمره قصير
ماندري ان أفراحنا لابدها ترجــــــــع حصيد

ونطرد ورى دنيا الفنى والموت ماكنه مصير
وعلى ملذات الحياه نفوسنا تجمـــــــع رصيد

تضيع جلّ أوقاتنا في اللهو والدنيـــــــا متاع
من غفلة التفكير كلن يحسب انه مســــــتفيد

المستفيد اللي على القرآن والسنـــه حريص
يعيش في الدنيا زهيد وفي لقاء ربه سعيـــــد

اللي جبينه فيه من سجادتــــــــه وشْمَة جبين
لاطاب نوم اللي على دنيـــــــــاه والغفله جهيد

هذاك لا نادى منـــــــــــــادي حق حيى للصلاة
دخل عليه ابليس في حلّه وفي ثوبٍ مـــريــــد

يغويه عن درب الهُـــــدى والميمنه ، للميسره
ويلهيه بالدنيا عن الطاعــــــــات والمجد التليد

يالله يالخـــــــــــلاق يالمعبــــــود يـــارب الأنام
ياغافر الزلات يالمنّــــــــــان يـــــــــارب العبيد

تغفر لنا زلاتنــــــا وذنوبنـــــــا ياذا الجــــــــلال
وتجعل لنا منجأ وملجأ من عذابــــــك والوعيـد

واختامها صلّـــــــوا صلاةٍ خالده لأزكى الانــام
اعداد ماطاف الحرم مُحرم ولبّــــى في الصعيد

اللهم صلي وسلم على نبينا محمد

مشكور على هذه الحكمه الرائعه

اللهم اصلي على نبينا محمد وعلى آله وصحبه وسلم تسليماً كثيرا

وبعد يا أخي امتعتنا بهذه القصيدة المميزه الله يطول عمرك في طاعة الله

وأسأل الله ان يكثر من امثالك في هذا المنتدى وأن لا يحرمنا منك