طعنة الأحبــآب / ()
 

طعنة الأحبــــــــاب شينــــه ماتحمّلهـــــــــا القلوب
ماتعبّرهــــــا القصايد والســــــوالف والحــــروف

مير أنا اللي كـــــــــل ماذعذع على صدري هبوب
ضاق صدري وإستبان الجرح في القلب العطوف

كل ذنبٍ لك غفرته فـــــي رجا قلبــــــك يتــــــوب
لين صــآرت لك منـــاعه ، لاتحنّ ولا تــــــروف

أتحمّل لأجل عينك ، مآإقترفته مــــــــن ذنــــوب
وأغفر الزلّآت منك ، وكــنّ عيــني مـــاتشــوف

جبت لك قُطب الشمال ، وجبت لك حــدّ الجنوب
وشلت لك حمل الجِهات ، ولاشكت من الكتوف

يوم صاح الفجر الأول ، وإشتكـى منه الغروب
ماقطعت الوصل عنك ،ولا إشتكيت من الظروف

آه ، يامآأقسى شعورك ، من شعوري ماتذوب
وآه ، ياجــــــرحٍ بقلبي ، من غيـابك لو تشوف

ياسر العضياني ، صح الله لسآنكك طال عمركك
تحيآتي لك ،،

ياسر العضياني كما عودتنا على جماليات طرحك


الرائع


تـــــــــــــــــــــــقبل اجمل التحايا

آه ، يامآأقسى شعورك ، من شعوري ماتذوب
وآه ، ياجــــــرحٍ بقلبي ، من غيـابك لو تشوف



يا أستاذ يا سر مشكور مليار على ماقدمت قصيدة

قصيدة مميزه في المعنى والمفردات حفظك الله بحفظه

لاتحرمنا من تقديمك الجميل