|
مجاراه بيني وبين الشاعر مساعد الحتاحت
هذه الابيات لشاعر مساعد الحتاحت
دنياك هذي بين رايش ومريـوش .. ومن رايش المريوش جا فيه رايش وقت تنومس فيه ناجش ومنجـوش .. اهل العلوم موزعين الوشــايش نو حقاق وماطـــره ديم ورشــوش .. مابل ماء مزنه كبـــود عطايش في مامضى ناس مناعير وتحوش .. واليوم راح الفيـــد كثر الفتايش بحر يعوم وفيه حيتـــــان وقـروش .. الدر فيه ودونه الموج هايـــش مادام راحت بين نابش ومنبــــوش .. مافاد ولــد البوم كــود البلايش خل حســاب مورد الــخد بـــنقوش .. سمح القبال اللي يحط الغوايش وهذي الابيات مجاراة لقصيدة الحتاحت,, بغيت اجــوز وعارضوني هل البوش .. الله من كثر الغثا والبــــلايش جانــي زميل من هل الشــر مغشوش .. مزعلينه شاربين الحشـــايش رجالهم دايم على الشين مهــــروش .. ياشين عادات القلوب الغشايش ويامساعد انته يابيض الوجه مدهوش .. تدخل يدينك في حلوق الهوايش يامانصحتك عن هل الدوش والطوش .. ضعاف العقول مفتحين الدرايش لكن في عمـــــــياك والحب مدشوش .. تمسي وتصبح مع عراض الفرايش ودنياك هذي كلـــــــــها تشتغل بوش .. يابن جزا بالله كيــف انت عايش ماباقين في هجـــرتك غير عرموش .. وتشــوف فيها عاقل القوم طايش |
صح لسان مساعد الحتاحت
وصح لسانك يانايف وبيض الله وجهك على ها المجاراه المميزه حفظك الله بحفظه |
روووووووووووووووووووووعه تسلمون بيض الله وجيهك على هذه المساجلة الأوش آيشيه (نسبةً للقافية) " تقبلو جل تقديري وإحترامي ".
|
صح الله لسان الشاعر مساعد الحتاحت وصح لسانك وسلمت
تحيآتي لك ،، |
مشكوووووور والله يعطيك الف عافيه
ولاهنت |
صح ابداعك الجميل وابدع الحتاحت
ومشكور على طرحك لها احترامي لك |
| +4. الساعة الآن 09:45 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط