منتديات شبكة قبيلة الغنانيم الرسمية - وللبارق ارجالن يحتمونه . قصيدة الشاعر عايض الدمخاء

أنا هاضني واهتاض بالي يوم الحيدعديته لحالي
يوم البال هاضت اشجونه
وأنا اللي هاضني يومن علينا أول احركته جت من يدانا
نهارن كل الأمه يذكرونه
صبحناهم على حتن الصباح ولا جنا العذاري بالصياح
وكلن قام طايرات اعيونه
جيناهم كما نو الخريف برقه يوم يبرق له رفيف
والضفران مالوا مع امزونه
الظفران يامكثر عجبهم يوم الملح زلزل مارعبهم
بسهوم المنايا ينطحونه
يوم إن السمك كان ايتزرج كلن ينتظر فيه ايتفرج
من أيمان العيال يعاقبونه
ولا يانعم بالآد العضيلي دون بيوتهم جونا سحيلي
وكلن باع عمره مايصونه
يبون البارق اللي جاء يباهم يبونه ياخذونه في يداهم
وللبارق ارجالن يحتمونه
دونه مايعرفون الكلام مثل الترك هاذاك الطغام
ربعن تنقر البيشان دونه
يوم الدجيما رد يمه ريعها بعد جات الهزيمه
وأخذه غصب وهمه ينظرونه
جاه وقال مده يالحميدي مده لين شده شد الايدي
هذا النهار أنا زبونه
كماأنه ولد قرمن امجرب من كثر الحرايب ماتكرب
وعنده كل عسر وان هونه
جاب اللي قعد وخر الركايب جابه يوم خلوه القرايب
ينخاهم وربعه يسهجونه
ولا ياذيب عيد فـ الربيع فالي نطلهم عندك جميع
وادع ذياب ضبيه مع مغونه
عيد في مذاخير النشاما تلقى فعلهم يوم المراما
قد الزرب كان افتر كونه
عيد في مذاخير الصقور وادع الحيز هي وأيا النسور
والحصني يبي لا تدعلونه
ثمان اسنين حطينا طعام عليه السمن ماغيره يدام
وكفوفك تناطف من دهونه
نهار المشارا والمبايع وأظهار المشوط من السرايع
تروع بعد شافت اعيونه
وأنا حاضرن مالي مغيبه من اللي واجهو عند الزريبه
وأرد الجيش للي يركبونه
أرد الجيش ماعنه أتدرق يوم اللاش واقف ويتشرق
جعل اللاش ربعه يفقدونه .
شعـــــــر الشاعر الكبير /عايض الدمخا الثعلي الروقي العتيبي.