|
حاتم حمد واللي من الربع شرواه=وأبو أياد الطيب حضرة جنابه
أبيات تعبر لكم عن نفسها
------------------------------ ياراكــب اللي ناحي البعــد ينحاه= ليا ضرب جـــون تـــدارق تـــرابه وليا نوى الطرقه من اللــيل وأتلاه= أمــا ســرح مســراح وإلا ســـرابه من عــندنا زين المــفاهـــيم وداه = وزيـن الكـــلام وصــادق العلم جابه ملفـاك من يفــرح بضــيفه ليا جاه = مشـــرعً لاهــل المــواجــــيب بابه حـاتم حمد واللي من الربع شــرواه= وأبـو أياد الطـــيب حـضرة جـنابه ربــعً يحــدون القصاوي على أقــصاه= ليــن إيتــحـــسف وأيتحدر سحــابه أشــرح لهم وضـع الزمان وخـــفاياه= وأشبــاه تشــبه وأشتــباه وتشــابه وحذفت عـصا المــاضي وخــافي نواياه = وأحــلام ليــل وبــذرتً وســط غــابه وحــبلاً قصــير وروحــة مقــيط ورشاه = وغـــلــطة زمان وفــازعً مــن درابه والطيب فا الطــيب من الناس تلــقاه= وإلا الــردى مـــرن حـــلاه وشــرابه والعـــاقل اللي عــارفً قــدر دنياه = والجــاهــل اللي درهــمت به ركــابه خوكم الشاعر مبارك العتيبي |
مبارك العتيبي
تأتي دائماً بالروعة .. دمت ودامت سطورك مشرقة . تقبل خالص الشكر والتقدير |
والعـــاقل اللي عــارفً قــدر دنياه =
والجــاهــل اللي درهــمت به ركــابه بيت حكمه قصيده جزله ابوممدوح صح السانك وعتلى شانك |
مبارك بيض الله وجهك على هذه
المعلقة من معلقاتك الجميلة تقبل تحياتي وتقديري |
صح لسانك
وبيض الله وجهك يابو ممدوح والممدوحين كفو وانت كفو وان شاء مايصر خاطرك الا طيب |
غيوم نجد
مشكوره أختي على المرور تحياتي وأحترامي لج |
نوح فايح مشكور أخوي على المرور
تحياتي لك وتقديري |
أبو تركي مشكور على المرور
تحياتي وأحترامي لك |
سعد الغنامي مشكور أخوي على المرور
تقديري وأحترامي لك |
الضامي
مشكور أخوي على المرور تقبل تحياتي وأحترامي |
| +4. الساعة الآن 05:00 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط