أبيآت خآصة ...
 

يامحلّل الشّعر خل الشّعر في حالــــــه
خلّه ودوّر على حاجـــــــــــــه وحلّلهآ

العام في أقصى شعيب (..) نحّــــــاله
واليــــــــوم تدهن شنآباتك وتفتلهــــآ

السوق رآحت مكآسيبـــــه لـ دلّآلـــه
يجمع فلوسه ضحى والليل ينثلهـــــآ

ويجرّ صوتــــــه يالاله يا لالآ لالـــه
مكينةٍ جآوبت مع صــــــــوت هندلها

ياللي على كل شذبه يشعب رِحالــــه
المظلمه مكسبه والبيض يجهلهــــــا

لا تحسب انك ملكت الكون بـ لحالـــه
بهروجك اللي على أمثالك تسلسلهـا

ظلمت حظك وبختك طــــــــاح معداله
أعراض خلق الله من جهلك تحللهــآ

المدح مايرفع اللي طـــــــآح منزاله
والمآيـــله مايــــله محدٍ يعدلهــــــــآ

والسبّ ماضرّ راع الطيب من قآلـــه
لو كل من في السماء والارض ينقلهآ

لكن أبآ أعطيك قآله وإحفظ القـــآله
أورآق شِــــعرك بكآسة مآك بلّلهـــآ

ومهآبط العافيــه من حين مدخـــآله
ومذآقهآ كان مآناســـبك .. خَلّلْهـــآ

مشكور يا ياسر على هذه القصيدة الواقعيه والتي تعبر عن ما يحصل من بعض الناس

وبعض الناس شغلته الشذب والهمز والمز الله يحمانا وجعله ماهوب حولنا ولا منا

حفظك الله بحفظه تقبل تحياتي

ياسر العضياني كل الشكر والامتنان على روعهـ بوحـكـ
..

وروعهـ مانــثرت .. وجماليهـ طرحكـ

أبو بتآل

لاهنت على المرور العذب والمدآخله الرآقيه

وتكرمون عنهم وإن شآء الله انهم بعيدين كل البعد عنكم

تحيىتي لك حفظك الله

الأخت غيوم نجد

مرورك أروع وحضورك اجمل


تحيتي لشخصك الكريم