منتديات شبكة قبيلة الغنانيم الرسمية

- منتدى الشعر والقصص الشعبية (https://www.gnanim.com/vb/forumdisplay.php?f=11)

- - يآكثر الآصحاب َ (https://www.gnanim.com/vb/showthread.php?t=15409)

يآكثر الآصحاب َ

السلام عليكم ورحمة الله وبركاته ..

هذي قصيده لـ الشاعر سعد بن جدلان اعجبتني وحبيت انزلها وعسى تنال على اعجأبكم

يا كثر الاصحاب يوم اللعب والدشره
يوم الملاهي تدوّر من يلهيها

من اول شقتي بالناس محتشره
يوم العزوبية الي كنت مغليها

واليوم لا عاد لا خوه ولا عشره
الله ولا رفقة هذي تواليها

ناس مع المصلحه عشره على عشره
وان حدك الوقت حدة لك جنابيها

اللي حياته مع البيلوت والنشره
واللي يحب الدشوش ولاهيٍ فيها

واللي على الخط دايم فاغرالكشره
سمّاعته طول ليله ما يوطّيها

واللي مزاجه مع القصات والبشره
ماله هدف والنصايح ما يدانيها

واللي مع الناس لا يفقه ولايشره
شقراً مع الخيل لا هجّت تباريها

ذي عيّنه في شباب اليوم منتشــــــــره
عسى الذي جابها من الارض يمحيها

اهل المصالح معرّفتهم كما القشره
لا نظّف الراس بالصابون ينهيها

هذا كلامٍ علينا واجبٍ نشـــــــــــــــره
وما تحرق الجمره الا رجل واطيها

________________

قصيده جزله

صح السان الشاعر سعد بن جدلان

الاخ الصريح مشكور على النقل

احترامي وتقديري لك

اقتباس:
المشاركة الأصلية كتبت بواسطة نوح فايح الغنامي http://www.gnanim.com/vb/gnanimxp/buttons/viewpost.gif
قصيده جزله

صح السان الشاعر سعد بن جدلان

الاخ الصريح مشكور على النقل

احترامي وتقديري لك

مشكور على مرووك تحيآتي لك ..

أشهد ان اهل المصالح للمصالح خايسين
واشهد ان الطيب لأهل الطيب كاسبين

صح لسانك اخوي الغالي

اقتباس:
المشاركة الأصلية كتبت بواسطة حداق الغنامي http://www.gnanim.com/vb/gnanimxp/buttons/viewpost.gif
أشهد ان اهل المصالح للمصالح خايسين
واشهد ان الطيب لأهل الطيب كاسبين

صح لسانك اخوي الغالي

صح بدنك ، وأشكرك على مروك تحيآتي لك

تسلم يدك على النقل
وصح لسان أبن جدلان