|
لمن يريد مني تعبير رؤياة وأقسم بالله أنني لا أكذب في شيء
السلام عليكم ورحمة الله وبركاته
تدفعون فلوس عشان أيش...؟! تتصلون بالشيوخ اللي على القنوات الفضائية عشان أيش..يشفونكم من اﻷمراض .. شفتوا حلم مفرح...حلم مفزع ..تبون تعرفون أيش يصيبكم في المستقبل من خير ومن شر ...تعالوا نتحلم ونتعلم ....هنا وفي هذا الموضوع تجدون ميزة لاتجدونها عند الدكتور فهد العصيمي والشيخ ابراهيم الرويس ..هم يأكلون أموالكم بالباطل ...كم سعر الدقيقة عندهم ..4 ريال...5 ...10..عندي ببلاش والشغل كلة بالمجان ..كم سعر قارورة زيت الزيتون عند ابراهيم الرويس ..؟! 700 ريال ..أكثر أقل ..؟! وكم سعرها بالبقالات ..10 ريال ..20 ..30 مالضمانات التي تحصلون عليها من ابراهيم الرويس ...لاشيء صح..؟! أنتم جربوني وراح تشوفون بأنفسكم أن أجابتي واحدة ولن تتغير ويمكن تعجبكم طريقتي في التعاطي مع المتحلمين والمتحلمات ..لا أسأل المتحلمين عن شيء أتركهم لين ينتهون من سرد رؤياهم ثم أقول لهم : مدري ..وعلى هذا المنوال مع كل المتحلمين والمتحلمات ........فضفض ..وتمتع بسماع كلمة مدري قبست لي قبسة من نور وجيت بها ..أكملوا أنتم بقية الحوار وتجاذبوا أطراف الحديث ليتبين للجميع أن تعبير الرؤى والتداوي بالقرءان ليس معناة الشرك بالله وجعل مثل هؤلاء ألهةً تعبد من دون الله تقولون ماعبدناهم ..أقول لكم طيب وش اللي خلا سعر قارورة زيت الزيتون بالمئات عند فلان من الناس وهي بالبقالة ماتتعدى عشرين ريال ..بركاتك ياعم الحق ... وإذا مرضت فهو يشفين .... الله رزقكم بماتعلمون وأمدكم بمصانع ومزارع ومستشفيات وبقالات وأسواق وببلاش ووقاكم شر الغلاء والوباء والزلازل وأرخى عليكم سترة وحفظ لكم أمنكم وأرسى ..والله لم ينزل قرءان مختلف على ابراهيم الرويس يجد لكم فيه مالاتجدون في قرءان محمد صلى الله علية وسلم ..إذا ماذا ليقربونا إلى الله زلفى..http://www.alawfa.com/AyatImages/8_2.gif أحد يستطيع يفهمني هم يأخذون فلوس مقابل أيش ...أو ينقل هذا السؤال لأي شخص من المتورطين في عمليات أكل أمول الناس بالباطل..ويأتينا بإجابتة>> بسرعة رجاءً <<!! |
ابراهيم الرويس
@ibrahimalrowais @nf888 لابد تستخدمين خلطة الرويس رَد إعادة تغريد تفضيل 1 إعادة تغريد 2:02 صباحًا - 11 نوفمبر 12 · إدراج هذه التغريدة نص التغريدةستظهر الصورة على هيئة رابط 23 ساعة «عتيبيه اَصيله » @gounany2012 @ibrahimalrowais ي شيخ عندي أختي رأسها دايم يوجعها وراحت للمستشفيات وقالو شقيقه وخذينا لها خلطت الرويس وتعبت منها مره وتركتها والحين تعبانه التفاصيل 23 ساعة منآل @Bulma86 @ibrahimalrowais @nf888 امي ارقت على رجليها قبل النوم لما صحيت لقت رجليها تألمها ؟ التفاصيل |
الاخ سند تفسيرالاحلام علم وقدتمرسوا فيه الشيخان الجليلان العصيمي والرويس واما بخصوص الرقيه فانت صادق بامكان الشخص ان يرقي نفسه ومن حوله لان القران فيه شفاء للناس باذن الله عزوجل واما انت فتقبل شكري ومروري كما احب انوه على الساده المتحلمين والمتحلمات بان يعرضوا احلامهم على سند وانا بحاول اساعده هههههه
|
اقتباس:
يامرحبا ياشكلين مابحكي..أي علم إلا قل فلم عمومًا أنا أرحب بك معي بس نسمي البرنامج شكلين مابنحكي لأن المتحلمين ماراح يحصلوا منا غير كلمة مدري ...وش يبون أزين من مدري وبين الفينة والفينة نقول لانعلم عشان مايطفشون من كلمة مدري إذا يبون الحق وإذا يبون الباطل يروحون للرويس والدوس والعصيمي ....وياهلابك |
موضوع جميل وشيق
ياليت تسدح لنا رقم جوالك الله يحفظك ويسدد خطاك |
مشكور على طرح هذا الموضوع
تحياتي لك |
أولا الســـلام عـــليكم ورحــــمة الله وبركـــاته
ودى والله أتـــحلم لـــى أكـــثر مـــن خـــمسة عشر ســـنه مـــاتحلمة فـــيه تفســـير القديم طـــيب ؟؟؟ شكلين مابحكى ههههههههههههههههههههه شكلين مـــابحكى فـــى أســـتراحتكم أحـــد يقراء فـــى الفنجال ولا ؟؟؟ تقبلووو مــــرورى |
مشعاب -غيوم- خالد
مرحبابكم جميعًا ...................خالد قايل يا أما أنك ذكي يا أما أنك ذكي تصدق ماشوف فرق بين الشمطاء قارئة الفنجان والشمطاء معبّر الرؤى كلهم نصابين ويقولون مالايعلمون ..يقولون علم طيب كل علم له أسس ينبني عليها عطونا أساس ثابت لهذا العلم ..تقولون علم وبس ..نقول لكل علم معلم ...من علمكم هذا العلم ..إن قالوا الله ..قلنا أنتم تقولون ليس شرطًا أن يكون تأويلنا صحيح ..طيب إذا طلع صح نقول الله علمكم ..بس وإذا طلع تأويلكم خطأ نقول الله علمكم بعد!!....سبحان الله..يارجال الدعوى أكل أموال الناس بالباطل وريح راسك ..تقولون ووش دخلك إذا الناس موافقين ويعلمون أن سعر الدقيقة 5ريال والشيخ ماقال لهم أنه يعلم الغيب ولاقال لهم أن كلامة صحيح مئه بالمئه أوكي كلامكم صح بس هل يجوز لك إذا وجدت واحد سفهيه ومعة مال كثير أن تقول له أعطني المال وأعطيك خمس صور لجبل ظلم ..مثلا.كل صورة بخمسين ريال .إن وافق أنت لعبت على المسكين وأخذت فلوسه وأعطيتة صور .. لاتساوي ريالين ..وإن لم يوافق أنت شرعت في جريمة أسمها محاولة أبتزاز ..قولوا خير أو خار أو أي شي كويس:) |
ســند يــابعدى أعـــجبنى
شــرحكــ عـــلى العمـــوم شكـــرا لتـــوضيحـــكــ مــاشاء الله مــخكـــ نضيف شــوى:d:shiny01: |
الشيخ سند مسيك بالخير انا اوقات اتحلم اني اطيح في حفره ويسري علي الليل واقوم من النوم وانا ماوصلت قاعتها هل التفسير اني ابغا اطيح في دراهم مالها عدد ههه
المهم في الموضوع اني اوافقك الراي في ما ذكرت وخاصه في تجارة تفسير الاحلام والوهم لان كل الي نشوفها في القنوات ادغاث احلام ودجل وضحك على الدقون وتذكرت وحده علمت شيخ بحلم فاشل وقال لها سوف يتقدم لخطبتك امير او صاحب شان وبعدها كل عيال عمها ترفضهم ووصلت عمر اربعين وهي تحتري امير الغفله يخطبها وبعدين سوال يطرح نفسه كل اهل الروئ حريم وش المعنى ولي رجعه للموضوع وقت فضاوه ولاتنسا تفسير الاحلام عندك وانا طبيب شعبي ونفسي ولاتنقز على مرضاي علشان نرتب امورنا |
| +4. الساعة الآن 02:51 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط