منتديات شبكة قبيلة الغنانيم الرسمية

- القسم العام (https://www.gnanim.com/vb/forumdisplay.php?f=15)

- - وسم العطاوي (https://www.gnanim.com/vb/showthread.php?t=15302)

وسم العطاوي

السلام عليكم ورحمة الله وبركاته ,

وسم العطاوي : مطرقين مطرق على الرقبه + مطرق على الخد ويقاله (الدامع)

وياسمونه ذوي عطيه من الروقه من عتيبه وهم (المهادله الفراهده الخراريص القساسمه الغنانيم المغايره السلسه الحبرديه المورقه)

وهو وسم مشهور وله شعبية حيث ان اطلقو على الابل اللي عليها وسم العطاوي (ماخوذه موفره)

لاحتماء اهلها لها ,

ومما قيل فيها من الاشعار ْ

الراوي الشاعر / متروك بن متعب الفراهدي رحمه الله

ودنــوا لها اللي يوم قـــام بزهابه ,, وشــــدوا لهــــا فوق اركبي(ن) سهاوي
يتبع لها شــــول(ن) تجـــــــاود رقابه ,, شـــول(ن) سهاف ووسم اهلها العطاوي

الشاعر/ بدر بن خضير القسامي العطاوي

يامن خبر وسم(ن) من الفعل عيفي ,, وسم العطاوي يامرب الطلايين

الشاعر/ شقير الجذع العتيبي

لين تنظر مطرقين على جرد الرقاب ,, وسم ربع(ن)يطرحون المجوخ دونها
العطاوي فوق الارقاب ذهاب(ن)واياب ,, ترتع الدار المخيفه وهم يحمونها
لاسبرها شيخ قوم(ن)وشاف الوسم هاب ,, رد ربعه دونها قبل لايشعونها
خايف(ن)من ساعتن تقصر اعمار الشباب ,, لارقص شيطانها واعتزا مجنونها

الشاعر / جري بن حشاش القسامي العطاوي

اقطف المكر والقرنوه غير الشتيله ,, ياخطات السناد اللي عليها العطاوي
وسم ربع(ن)لياجات العلوم الثقيله ,, يجدعون المجوخ قدم رمي الشواوي

الشاعره / مرسى العطاويه

ياللي تصوت باللبن مالنا فيه ,, عان اللبن مكفاة عبلة ملاوي
فاقصى الينوفي والدعيكه حراويه ,, فديوس خلفات(ن) عليها العطاوي

منقول ...

مشكور ياالصريح على ماقدمت وبيض الله وجهك على هذه المعلومة

وياليتك وضحت المطرقين هل هي من يسار أومن يمين لأن الغبيات من الروقه

ياسمون المطرقين كذلك وياليت توظح لنا الله يعطيك العافيه

الصريح ما اجمل هذا المقتطافات الرائعه

اكليل من الورد الخالص لك على هذه الجماليات الرائعه

اقتباس:
المشاركة الأصلية كتبت بواسطة أبو بتـــــال http://www.gnanim.com/vb/gnanimxp/buttons/viewpost.gif
مشكور ياالصريح على ماقدمت وبيض الله وجهك على هذه المعلومة

وياليتك وضحت المطرقين هل هي من يسار أومن يمين لأن الغبيات من الروقه

ياسمون المطرقين كذلك وياليت توظح لنا الله يعطيك العافيه

اشكرك على مرورك الرائع واما المطرقين ان ماخب ضني فهي من اليسار وماني متئكد والله صار لي ساعة افكر هي من يمين ولا من يسار هههههه بس اظاهر انها من يسار .
تحيآتي لك

اقتباس:
المشاركة الأصلية كتبت بواسطة غيوم نجد http://www.gnanim.com/vb/gnanimxp/buttons/viewpost.gif
الصريح ما اجمل هذا المقتطافات الرائعه

اكليل من الورد الخالص لك على هذه الجماليات الرائعه

كل الشكر لكـِ ولهذا المرور الجميل

الله يعطيكـِ العافيه يارب

خالص مودتى لكـِ

وتقبلي ودي واحترامي

بيض الله وجهك ومطرقين العطاوي من يسار وتم نقل الموضوع
لمنتدى ذوي عطيه حيث انه ليس خاص للغنانيم تقبل تحياتي

بيض الله وجهك على موضوعك
وتستاهل حبت خشم يبعدي
ولاهنت وافي

اقتباس:
المشاركة الأصلية كتبت بواسطة الشاعر سلطان براك الغنامي http://www.gnanim.com/vb/gnanimxp/buttons/viewpost.gif
بيض الله وجهك ومطرقين العطاوي من يسار وتم نقل الموضوع
لمنتدى ذوي عطيه حيث انه ليس خاص للغنانيم تقبل تحياتي

مشكور على مرورك تحياتي لك ً

اقتباس:
المشاركة الأصلية كتبت بواسطة المشعاب http://www.gnanim.com/vb/gnanimxp/buttons/viewpost.gif
بيض الله وجهك على موضوعك
وتستاهل حبت خشم يبعدي
ولاهنت وافي

ووجهك وتسلم على مرورك
تحياتي لك ُ