منتديات شبكة قبيلة الغنانيم الرسمية - ردية عيسى بن مشهور الغنامي وبندر بن فيصل الغنامي

ردية الشاعر/ عيسى بن مشهور بن مدهوس الغنامي
والشاعر/ بندر بن فيصل بن علي الغنامي

قال بندر:
وصلي ياحمامه لابن نافه تحية
=============== وان لقيتية راقد عودي يا حمامه

بعد عيد رمضان وقبل عيد الضحية
============== لازم احط بين عيون عيسى علامه

رد عيسى :
لو ترز الك شاره جولها بواردية
============= وانتبه لاتجي وخر الهدف والا أمامه
وخل عنك اللكاعة واترك العنجهية
============ واطلب المغفرة واطلب معاها السلامه

رد بندر :
بارك الله فالرامي وفالبندقية
========== مار انا ماعلية من يداه وكلامه
للمودة زمول وللمتاحي رعية
========== وانته اختر حداها ركس ولا مسامه

رد عيسى :
احتزم بالحزام وشد في جانبية
========== وانتبة ينطوي حبل الرسن فالعمامه
وكان حذيت خيلك خذ علاها هدية
========= وتستحق الكرامة لاعطيت الكرامه

رد بندر:
العمامة على راسي وراسي ماعلية
=========== ماتطولة يدين اللي يحط اللثامه
الفشق في حزامي والقضا في يدية
==========وانت في يدك سيفن مثل عود الثمامه

رد عيسى :
ارس يا راس بندر واشرب الشاذلية
============واقعد الراس في جو مقتم عسامه
والفشق لو رميتة ردة الجاذبية
===========ارق فوق العدامة وانزل من العدامه

وسلامتكم .