ثلاث لا طاحن من الرجّــــــال قله يستريـــــح
 

سلام ياروس الرجال اللي يشوش الها المديح
ســـــلام من صدر الرفيق اللي حزامه للرفيق

على بساط الحب يدفعها من الكمبود ريـــــــح
ماضاق صدرٍ شالهـــــا لو الفضاء كله يضيق

ترقى على قمــــة جبل للعز شامخ مايطيــــــح
وتقلط على بيض الظنون اللي فضاها مستفيق

أقولها من مقدره بالصـــــــدر ولساني فصيح
والطيبه في ذمتي في غيــــــــــر أهلها ماتليق

وبعد السلام واماحتواه وجاد به نظم القريـــح
رسالةٍ عبر النسيم الصــــــافي العذب الرقيق

مضمونها غبة بحر ماهي ضحاضيح ونضيـح
لو البحور الهايجه ماعظّمت صـــــرخة غريق

ثلاث لا طاحن من الرجّــــــال قله يستريـــــح
فاخت حبال المرجله واستلبسه ندّ ونقيــــــض

لا فات فرضه ماركع لله بالوجــــــــه الصحيح
لا ترتجي من نفعتــــــه لو كان لك أخوٍ شقيق

والثانيه لا وجبّت له واجبــــــــــــه عنها يميح
يدرج لها عرض الكتوف ويتبع الزفره شهيق

والثالثة من لا حمى غِرّات جــــــاره لا تبيـح
يقرن مع اللي لا نغزه ابليس صوّت بـالنهيق

والمرجله تاج الرجال اللي لهم طاب المديح
لو تنصرف وتْسَاق للرديـــــــان والله ماتليق


:

ياسر العضياني

والثالثة من لا حمى غِرّات جــــــاره لا تبيـح
يقرن مع اللي لا نغزه ابليس صوّت بـالنهيق


يا سر العضياني اكليل من الورد الخالص


لما قدمت من هذا الدرر



الثمينه تسلم ويسلم لنا هذا القلم الذهبي

قصيده جزله

دكتور الابداع

صح السانك وعتلى شانك

صح لسانك اخوي ياسر
درر من راعي الدرر
والنعم فيك



تقبل مروري

غيوم نجد

سلمت أناملك ودآم عطاءكِ وتواجدكِ أختاه

سررت بمرورك ونثر حبرك

تحيتي

أبو اياد

ماعليك زود ووجهك ابيض يابعدي

الله لا يهينك

وثناءك ومدحك وسام فخر على صدري

والطيبه لأهلها

لاهنت وبيض الله وجهك

نوح فايح

صح بدنك ولا هنت يالقرم

تحيتي

الرمش

صح بدنك ولا عليك زود يابعدي

تحيتي

بيض الله وجهك على هذه الدرر
الله لايهينك تقبل تحياتي