|
قصيدة الحربي في شاعر الوطن خلف بن هذال
بِسْمِ ْاللهِ اْلْرَّحمْنَ اْلْرَّحِيمِ [blink] شاركونا للارتقاء بهذا المنتدى للافضل!! [/blink] الاخوه الاعزاء هذه القصيده قالها الشاعر/ ناصر الحربي في شاعر الوطن خلف بن هذال بعد ان سمع بعض المقولات التي تزعم وتريد ان تنسب لقب شاعر الوطن لشعَّار آخرين متناسين ماقدمه الشاعر خلف بن هذال للوطن من ملاحم وقصائد منبريه مازالت عالقة في أذهان الصغير والكبير حتى وقتنا هذا , فجادت قريحة الحربي بهذه الابيات الناريه...والله ونعم وكفو بالحربي وبقبيلته اترككم مع القصيده . . . [tabletext="width:50%;background-image:url('http://www.gnanim.com/vb/backgrounds/17.gif');border:7px double blue;"] | [/tabletext]يا اهل الادب والشعر والعلـم والقـول واهل الذمم واهـل النفـوس العفيفـه سلام من عندي به الشكـر موصـول لاهـل الشهامـه و العلـوم الطريفـه سمعت لي مع ناس تحريـف منقـول تحريفـة الالقـاب والحـق شيـفـه قمت اصطفق من شدة الجور والهـول منهـا شعـر راسـي تنتـف نتيفـه قمت انتخـي بالشعروالفكـر مشغـول وانشـد وانـادي بالسلـوم الشريفـه يا اللي لكم بالشعر سلطـان وعقـول يا اهل الصحافـه والعقـول المريفـه شاعر وطن ينهب والاعـلام معـزول مـن نـاس تشعلهـا بقـاز ٍ وليـفـه لو زالت الدنيا تـرى الحـق مايـزول الهرج يفـرق بيـن صدقـه وزيفـه تريحوا وخذوا مـن الهـرج مفصـول تريحوا يـا اهـل الوجيـه الكسيفـه من يركب العرجا بـلا شـك مسطـول كنـه يناطـح سيـل وادي حنيـفـه و كـل جمهـور الادب فيهـم فحـول بالعلـم رايــه نطلـبـه مانعيـفـه ومن كل شاعـر نبـي علـم مدلـول بس شاركونـا يـا الوجيـه اللطيفـه من يدعي ((شاعر الوطن)) قلت مهبول ماغيـر ابـو هـذال يجلـس بريفـه خلف ولد هـذال لـه الاسـم مكفـول شعر الوطن فـي كـل عـام يضيفـه تهتز لـه كـل المنابـر علـى طـول ( بالشعـر يشهـد لـه بـلاط الخليفـه ) بشعر الوطن بكـل عـام لـه حلـول شعـر الحماسـه والبيـوت النظيفـه خلف ولاغيـره مـن النـاس مقبـول الشاعر اللي يرهـب الخصـم طيفـه على المنابـر دايـم يصـول ويجـول صولة حصـان عاشـق لـه عسيفـه ماله مثيـل ولا معـه فعـل مفعـول الا شعـر حسـان عـنـد السقيـفـه خمسين عام وكنـه السيـف مسلـول هو للوطـن بالشعـر درعـه وسيفـه قـدم الملـوك يقـدم الشعـر ويقـول شعر الوطن ماهـي سوالـف خفيفـه ماهي تخاريف مـن الهـرج معسـول هو للوطـن شاعـر ولا لـه خليفـه لادندنـة للمعركـه ودقــة طـبـول حنـا علـى صوتـه رمينـا القذيفـه وحنـا ترانـا للوطـن درع وخيـول يقودنـا بالشعـر قــود العطيـفـه لانـي بماجـور ولانـي بمـرسـول ولانـي مقاسـم بالثمـن والنصيفـه ولا قلت قولي باغـي فيـه محصـول لله اقـول الحـق مـا اقـول زيـفـه ماهي بدعـوى عنصريـه و لاميـول الحـق اقولـه مـا اقـول الحتيـفـه شهـادة منـي وانـا عنـه مـسـؤل قـدام ربـي يـوم نشـر الصحيفـه قالها الشاعر/ ناصر بن راشد الرويثي الحربي |
صح السان الشاعر ناصر الحربي
ود العرب احترامي وتقديري |
ود العرب صح لسان الشاعر
وخلف هذال غني عن التعريف كل الشكر لك تحياتي وتقديري |
ود العرب سجل اعجابي بطرحك
|
مبدع في طرحك تقبل شكري وننتظر منك المزيد
|
صح لسان الشاعر ناصر وعساك تسلم على النقل الله يحفظك بحفظه
|
صح لسان الشاعر
اشهد بالله انها شهاد ة حق منه وترفع لها الرايه البيضا بكلامه وشهادته طرح مميز ود تسلم يمينك تقبل مروري |
ود العرب سجل اعجابي بطرحك ومشكور ابيض وجه |
لاهنت
نقل مميز وانت مميز |
اقتباس:
المشاركة الأصلية كتبت بواسطة نوح فايح الغنامي http://www.gnanim.com/vb/gnanimxp/buttons/viewpost.gif صح السان الشاعر ناصر الحربي ود العرب احترامي وتقديري اخي العزيز نوح فايح الغنامي الله لايهينك ومرورك على صفحتي زادني شرف |
| +4. الساعة الآن 05:09 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط