قروب الفضفضة الجديد
 

السلاك عليكم ورحمة الله
بعد اغلاق الاداره للموضوع القديم نظرا لامايحتوي
يسعدني افتتاح قسم جديد للفضفضه
وامل من الاخوه ان يسدحو مافي قلوبهم من فضفضه
وان يتحلو بحسن الخلق والادب والبعد عن اي استفزاز

اتمنى من الاداره تثبيت الموضوع

سلام يحبايبنا في الفضفضه
وش اخباركم اليوم
الله يحييكم على العشاء الليله
بمناسبة افتتاح الفضفضه الجديده
لزوم حره تجيب فلاافل وشطه
سومطرا وكذالك الحنونه بعد
الله يحييكم عند المزروع الي عند مدينة الحجاج الي
شرق عفيف على يدك اليمن وانت رايح لدوادمي
وينكم ابو رامي
المتلبد
الحنونه
سمو الذات
عاشق المرقاب
حره على كف صقار
خالد قايل
رئد العطاوي
غيوم نجد
الصامت
وين الباقين

ياجماعه الفضفضه ماذكره حاتم حمد في الخضخضه القديمه سليم وهو معذور وانا بدوري اطلب من الجميع بدون استثناء مسامحتي ان حصل زله او دقه في الرفرف لاني راح انقطع فتره عن المنتدى لوجود شغل مجبرني على الابتعاد وبعد تراني ماني فاضي يعني ماعندي شغل غير المنتدى سمله تعوذو من ابليس <<< ماله خاتمه

وصراحه كان طموحي اني اكون مشرف على قسم الشكاوي والاقتراحات ولاكن شاء الله وما قدر فعل
واخيرآ وليس اخرآ سوف اكون بالجوار اطل عليكم من دريشه ظيقه قدر المستطاع
واعيد واكرر يارجال سامحوني وفي امان الكريم الى لقاء اخر وهذا لايعني الانسحاب بل اعتبره اخذ فترة نقاهه لانجاز امور خارجه عن السيطره ومنها ابغا اروح ارضي عمال مزعلهم واخليهم يكملون بنيان البيت وهو الي مشغلني وافهم يافهيم


وشكرآ للجميع ونصيحه اخيره يالمشعاب بيع الصابونه الي معك تراه اخذ كفايته في الحياه وارحم مافي الارض يرحمك مافي السماء يابو حم .........؟

افا يالمستلبد ماتوقعنا منك ان ترحل عنا
ان كان كذا والله بعلن بعد انسحابي للين
اشوف رقعت وجهك هنيا
مايصير لاتصرف منا ولامنا
لزوم تدخل لو بسبوع مره
تراني بزعل عليك وايد
الله يسامحك ان رحت وان جيت بس لاتطول علينا
بشوق لك ونتمنى لك التوفيق
وبالنسبه لصابونه حقت الغسيل
ولا ايش اها فهمتك منت بحولي
يمقن لقطت معلومه خاطئه
ههههههههههههههههههههههههههههههه

ارحب ياالامير يالله حيه
وش اخبارك
اقلط تقهو
القهوه تسويهى الحنونه استريح
عد في صدر المجلس
وعطنى علومك

فضحتونا بفضفضتكم الله يهديكم خليتو الريجيحيل بنتقدون خوايصنا اللي نخوصها
لاكن تبوني اقولكم اللي يبا يفضفض يروح يدورله سبخا ممطوره والاقاع ثم يفحط فيه لين يعتدل مزاجه احسنله من الفضفضه اللي تجيب المنقود

http://www.albdoo.com/vb/images/imag...6033e90448.JPG


حياكــــــــــــــــم الله المكان مكانكم ...

سامحونا المشعاب للحين مارتب المكان ..

الي في الصوره تعرفونه من؟؟

القهوة جــــــــــاهزة...

تسلمين الحنونه تونا بانين بيت الشعرقومن تعاونو ماذلو
ارحبو يالربع
لا ترعل يبو رامي ان شالله مايصير الاطيب هنا
ونتمنى التحلي بحسن الخلق والادب في جميع الامور
اقلط الله بحييكم