|
منهو خويي نهار العيد ( لشاعر ابو كليب )
أبيات لشاعر : راشد البراك الغنامي ( أبو كليب ) حين كان في الكويت ومعه الكثير من الغنانيم الملتحقين بالسلك العسكري الكويتي واهلهم في نجد ولم يروهم لسنوات وطلبو الأجازه في أول أيام عيد الفطر من القائد ولكنهُ رفض فنضم راشد هذه الأبيات وذكر فيها أحد أصدقائه وهو حميد بن عبدالله بن حامد الغنامي والفترة الزمنيه هي مابين حكم الملك سعود وحكم الملك فيصل رحمهم الله جميعاً منهو خويي نهار العيد = مجاز ولا على حسابه على أحمراً ماوقف بسيد = ما كتبت أجره على بابه نركب على صافي الحديد = منوت غريبً يبا احبابه الباب الأيمن عليه حميد = على أيمني يفتل اشنابه نبا نعايد هل التوحيد = عصّابة الراس بالعصابه لو رمسهم بالعيون بعيد = ياخذني الشوق لعتابه وسلامتكم |
رحمه الله شاعر معروف وبيض الله وجهك يابن عسير
|
مشكوووووور والله يعطيك الف عافيه
ولاهنت على القصيده الجميله وياليت تورد لنا من مالديك حفظك الله يابني |
ياسلام قصيده جزله
ابوسعود مشكور على النقل احترامي وتقديري |
الباب الأيمن عليه حميد
على أيمني يفتل اشنابه صح لسانه والله يرحمه مع طاري حميد الله يذكره بالخير اتمنينا نشوف من قصايده شي من اللي يحفظونها تسلم يمينك على مااوردت لنا تقبل مروري |
ابو سعود الله يسعد مساك
قصيده جزله واختيار جميل تحياتي لك |
الله يعافيه ويطول في عمره ابو كليب والله ان له معزه في القلب
وصح لسانه ولاهانت يمينك |
| +4. الساعة الآن 10:02 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط