|
جيت الجبيل
السلام عليكم اخليكم مع هالابيات جيـــــــت الجبيل وعســـــــاها ماتجـــي جيــــه مـن جيـــــت ضيعت مخـــــــراجي ومدخالــــي بين الشقــــــــق والمكـــــاتب والحـــراميـــــه تعبــــــت من كثـــــر منزالـــــــي ومرحالــــي ليـــــــا نزلـــــــت بمكــــــان ودار حوليــــــه زادو علـــــــي الايجـــــــار بعامــــه التالــــي وغديـــت ادور المكـــــاتب كل عصريــــــــه وبين الشقـــــــــق زاد مسيـــاري وغربالــي لافيــــه قلـــــــــبٍ رحـــــوم ولاش ماويــــه صارت همـــوم البشـــــــر دولار وريالــي كل الغــــرف عنـــدهم متــــرين وشويـــــــه من ضيقها ضــــــــاق صدري وانكتم بالـــي هاذي مقاســــاتـــــــها ماخطيــــت موليـــــه وان جيت اســــــولف عن الجيران عزالي الجــــــار الايســــر على وصـــــوف هنديه والجــــــار الايمن عليه وصوف سنغالـــي وان رحـــــــت للســــوق لا هــذي ولاذيــه زحمه وكـــل البشــــــر هنـــــدي وبنقالــي وانت جيــــــت يــم العمـــــل قوات بحريه والنقل مرفوض لايطــــري علـى بالـــي وان ضاق صدري نصيــت ارض النعيريه اســـج بالبــــــــــر لو انــــه خلاً خالـــــــي لافيه صيــــد ولا بـــــه راعــي رعيــــــه تذري عليـــه الذواري وقت ما سالـــــي هاذي حياتي مــــع الايـــــــــام عبريــــــه خمسة عشر عام واحوالي هي احــوالي تكفـــــــون ياروق يالربـــــع النخاويـــــه يالابتــــــي يابنــــي عمـي وبني خالـــــي اسعــــو لنقلــــي ترى الاتعاب منسيـــــه والـــــوقت دوار والـــــرحــــــال نزالــي خلوني اعيــــش والحاجـــات مقضيـــــه اســـــج في نجـــد دام العمـــــر له تالــي @@@الرمش@@@ |
صح لسانك
ابدعت بالوصف ولا يمك عدو الله يعين هذي الدنياء وغرابيلها تصبر مابقي الا القليل سمعت ان محافظ عفيف طالبن بحر وجايته الموافقه وبن ملعج معارض لاكن اليا جاء البحر اكيد بيحطون قوات بحريه وبيسهل نقلك ,وحنا مبرقين ثلاث برقيات للمحافظ نطلب بحر نظيف وشاطي هادي ووجهو برقيتنا لوزير الأسماك والمياه المالحه بثول وفي رجاء خير |
خلوني اعيــــش والحاجـــات مقضيـــــه
اســـــج في نجـــد دام العمـــــر له تالــي قصيده جزله الرمش صح السانك وعتلى شانك |
ابو خالد الله يعينك على الجبيل والرطوبه
والحر والشقق الغاليه ولكن تيسر قصيده جزله من شاعر جزل تقبل تحياتي وتقديري |
خلوني اعيــــش والحاجـــات مقضيـــــه
اســـــج في نجـــد دام العمـــــر له تالي صح لسانك وبيض الله وجهك على أبداعك اللي ماهوب غريب عليك تقديري لك |
الله الله يابو خالدصح لسانك
جميل ماكتبت تقبل تحياتي ========= ملاحظه الشطر السابع من الاخير فيه كسر غلطه أملآءيه |
اقتباس:
صح بدنك وشرفني مرورك وحلو الدعابه منك بفتح بحر بعفيف هههههههاي |
اقتباس:
|
اقتباس:
شهاده منك اعتز فيها واعتبرها وسام على صدري وشرف لي شرفني تعليقك ومرورك ياغالي |
اقتباس:
والابداع تواجدك بمشاركتي وردك العطر |
| +4. الساعة الآن 03:07 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط