هذه القصيده عباره عن ابيات متواضعه ولها مناسبه ( خآصة )

اتمنى أن تروق لذائقتكم ...




يالله يالمعبود يامُجري مثاقيل السّحـــــــــــاب
ياغافر الزلاّت ياذا الطّول يالرّب الرحــــــوم

بديت بإسمك جلّ شأنك ماعلى الدنيا حساب
إلكْ اتضرّع بالدعاء وأعوذ بك من كل شوم

مرّت ثلاث سنين وأنا أكتب بصفحات الكتاب
كتبت في صفحاته البيضاء جزيلات العلوم

يشدّني له مانشيتٍ في غلافه مايُعـــــــاب
ماهيب سلعه في يدّ البيّاع شاريها يسوم

اليا دعتني صفحته لبّيت ودعاها مُجـــــاب
واليا ذكرته في سُبات النوم أهلّي به واقوم

واليوم عنوانه بقى واللي كتبته فيــــه ذاب
راحت به أدراج الرياح وغير وجهه مايدوم

وش ينفع العطشان لو يطرد ضحاضيح السراب
ترى السراب يضيع لن حالت على الشمس الغيوم

أبا أكتفي باللي مضى واشيل عفشي والزهــاب
ولا احدٍ يموت وباقيٍٍ في العمر يالعرّاف يــــــوم

كلّن يعرف ان الخطأ ماهو شبيهٍ للصـــــــواب
وكلٍ يعرف الفرس فرس ومعشر الرومان روم

مير إختلاف الوقت والهجرة وسلطان الرقاب
ضيّع قوانين العرب وإختّلت أركان الســـلوم

واختامها ( حكمة مثل ) + مشاريه وعتاب
ترى المراجل دايمه والاّ المناصب ماتــدوم


......................

ياسر العضياني