|
كلمة احبك
كلمة احبك جات وتهل دموع حبٍ غريبــه اسمع انين آهاتها مع صداهـــا تشكي علي جروح حبٍ عطيبــه تقول بنساها وقلبـــي ونساهــا بنسى الحبيب اللي يخادع حبيبــه برتاح من دنياه وانسى غثاهـــا قلت الهوى يابنت شمسه مغيبـه والحب لــذه من يبيـــها لقاهـا الحـــــب مابين الحبيب وحبيبـــه احساس بالدنيا و لـذة حلاهـا يابنت نار الحب من دون ريبـــــه تحرق قليب اللي يقرب سناها قالت كلامك صح والكذب خيبــه ومن يأمن الايام اخذته عشاهـــا وراحت ورحت الكل يطرد نصيبــه والقلب باقي بالهوى مانســاهــا وبعد ثمان ايام من بعد غيبــــه جت لي وسهم الموت قبضة يداها قالت احبــك قلـت والله عجيبـــه وسرح بي التفكير لحـــظة غلاها في قلبها نـــاراً تزايــد لهيبــه وفي صوتها شوقٍ يزيد ببهــــاهـا من صوتها المعسول قلبي غدي به والروح ذابت في نسايم هــــواها جلست افكــر بين شـك وريبـه وعجزت اميز وجههـــا من قفاهـا ان جيتهـا اقفــت بنفسٍ عجيبـه وان رحت نادتني وزادت غـــلاها واصبحت انا من دون حب وحبيبه تايه بهالـــــدنيا وقلبـي معــــاهــــا القلب مايرضى بغيره قريبـــه هيا عذاب النــــفس وهيا دواهــــــا وكلمة احبك هي اساس المصيبـه من اللحظة اللي حركت به شفاهـــا واخـر كلام اقول ربي حسيبـه تطرد ورى المقفين وانــا وراهـــــا هذي هي الدنيا انتصار وغليبــه من عهد ابونا آدم اللـــي منتهاهــــا @@@الرمش@@@ |
الرمش لله درك كلمــــــــــــــــــــــــات لها رنين
اســــــــــعد الله امســـــــــــــــياتك تقبل مروري مع تحياتي |
الله يعينك اجل :d
صح لسانك ي الرمش قصيده موجعه وجزله |
اقتباس:
شرفني مرورك وتعليقك |
اقتباس:
الله يعيننا وياك على طاعته صح بدنك والجزاله تواجدك ورد يالغلا |
الرمش دمت مبدع ومتئلق
اعجابي بما كتبت وتحياتي لك |
لاتعععععععععععععليق؟
|
اقتباس:
شرفني مرورك |
اقتباس:
شرفني دخولك لمشاركتي وتواجدك |
الرمش صح لسانك
قصيده رووووعه تقبل كل الود |
| +4. الساعة الآن 04:55 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط