منتديات شبكة قبيلة الغنانيم الرسمية

ألا يـــا عـيـونـي لـيــه تبـكـيـن غـرّاقــه
وهـو دايـم مـا هـوب عنكـم تــرى داري

تـجـريـن بـالـونــات ودمــــوع حــرّاقــه
تصافق على جال المشاعر نهـر جـاري

بدمـع شـرق لـه فــي محـاجـر وفـرّاقـه
تسابق على همل سكب له من الطـاري

شهادة وفاء للـي وفـاء شمـس شرّاقـه
طفى نورها من خان وعده وهو ساري

يكابـد ليالـي فـي سـهـر شــوق سـرّاقـه
غفى له على رمش كسر حزنها شاري

زهـم لــه تهاتـيـه الـغـلا نــوض بـرّاقـه
تقـابـس شظـايـا والشـجـن زايــدٍ نــاري

وقــد مــن حنـايـاهـا مـيـاسـم وعـرّاقــه
على كبدنا تشوي وسلك الهـوى عـاري

كـذا هــي محبتـكـم شـقـى لــي وزرّاقــه
سـهـوم منايـاهـا وســط جوفـنـا غــاري

دخيـل الهـوى منكـم زبـن حـبـر ورّاقــه
كتب له علـى صفـح العنـى ليتكـم داري

خالد العجمي