|
قرناس لونه مثل لون المغاتير
قصيدة لشاعر القدير / محمد بن شاعي بن عبيد بن جريس الغنامي لا والله الا قربت نقلة الطير وانا ما عندي طير لا وحسوفه طيري غدا ورى الحباري المعاشير غدا وراهنه وعيني تشوفه ياما على شانه ضربت المشاوير ولا قلت فالطرقه عليه كلوفه قنصت به فارض زهور ونواوير والصيد مشبع مخلبه من صنوفه طيري عن الطيور اله ميزة غير قليل وصفه لو اعدد وصوفه من الدم ما ينقه مثل سالم الزير ولا يعتذر لو هي صعيبه ظروفه نادر حرار ومنوة للصقاقير افجح هجر ساطي كبار كفوفه قرناس لونه مثل لون المغاتير وافي ولون الراس زايد كشوفه راكد على التكاي ماربط له السير طلعه وكاد وصيدته ما تطوفه يطلع على برق الدواغر مخامير وان قابل الحفال صرم كتوفه وان زوعن فالجو برق الدواغير وتنحرن درب الهوى والحفوفه رقا لهنه فوق ثم جاهن مغير وحول عليهن والمخالب سيوفه دورت له واتعبت معي المداوير ودفعت من مالي على ذكر شوفه وقطعت منه الياس عسى العوض خير وعقبه عن المقناص نفسي عزوفه |
ياخي الشاعر هذا بطران قصايدها كلها جزله
صقر انت ميه ميه |
صح لسانه
ومشكور صقر روق |
مشكور قصيده جزله من شاعر جزل
تحياتي |
صقر روق صح لسان الشاعر
وتسلم على النقل تقبل تحياتي |
صح لسان الشاعر والناقل تحياتي
|
الله يعوض بن جريس في طيره الي يسوى مليون على وصفه
والصقار دائم مولع في طيره ومشكور ياصقر على النقل الله يحفظك بحفظه |
شرفني مروركم وتعليقكم جميعا تحياتي وتقديري
|
صح السان قائلها
ابومنيف لك كل الاحترام والتقدير |
أبوفايح شرفني مرورك واطلاعك تحياتي وتقديري
|
| +4. الساعة الآن 04:55 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط