|
من الاد غنام الكرام المسماه
السلام عليكم
هذه القصيده للشاعر: ثامر الزراقي وقد قالها في الاستاذ: طايل بن فالح بن خلف بن مزنوت الغنامي واحببت ان انقلها لكم واتمنى ان تنال اعجابكم والاستاذ: طايل غني عن التعريف ويستاهل المدح .
سلام ياشيخ(ن) على الطيب مبداه=ماصك من دون المسايير بابه سمعت طيبه ياعسى اللاش يفداه=والله يطول مابقى من شبابه وساعة لقيته شدني طيب لقياه=من حسن تقديره وحسن الرحابه لانه كريم الطبع والوجه والجاه=افخر بمعرفته وتفخر عتابه هداج تيما اللي تهودج على ماه=تكثر عليه الورد صافي شرابه طايل وطايل عزنا لاعدمناه=الله عطاه الجود قدر ومهابه من الاد غنام الكرام المسماه=من روس روق اهل الوفا والذرابه مزبان مضيوم(ن) تعزوى وناداه=وطويق يذري من عنا وإلتوابه ياشيخنا اللي كرم الله سجاياه=في كل موقف حاسبينن حسابه انا دخيلك من زماني وبلواه=وقتي على روحي مجرد حرابه واللي مكانك يا احمر العين ابا انخاه=واشيد بك لانك لراسي عصابه وان جا مجال وجاب طايل وطرياه=اقوم واثني دون حضرة جنابه ودمتم بكل التقدير |
صح لسانك ابوإياد على النقل الجميل
وصح لسان الشاعر /ثامر الزراقي على قصيدته الجميله ويستاهل طايل المدح احترامي لك |
ابو اياد الله يسعدلي ها الصباح
فعلآ الممدوح يستحق المدح واسرته كلهم يستحقون كل التقدير الله لايغير عليهم وجعلهم دايم سالمين وغانمين صح لسان الشاعر وشكرآ لك ابا أياد على هذه الأطلاله الغاليه علينا تحياتي لك طال عمرك |
صح لسان الشاعر وبيض الله وجهك على الايراد وطايل يستاهل المدح لاشك في ذلك تحياتي وتقديري
|
أبو اياد صح لسانك وصح لسان الشاعر ثاامر ويستاهل ابو ناصر ..
|
صح السان القائل ومشكور الناقل
ويستاهل ابوناصر احترامي |
بسم الله الرحمن الرحيم
كفو كفو أبا ناصر من الرجال الفضلا طايـل وطايـل عزنـا لاعدمنـاه الله عطـاه الجـود قـدر ومهابـه مـن الاد غنـام الكـرام المسمـاه من روس روق اهل الوفا والذرابـه ----------------------------------- طائل طويل الباع والاشبار * الله يطول عمر أبو ناصر يستاهل المدح وصح لسان الشاعر ثامر الزراقي وسلمت انامل ناقلها أبو إياد حاوي الطيب |
والله ونعم فيي طايل والطيب نتشرف به ونفخر به ولاهيب غريبه عليه ولا على المزانيت
صح لسان الشاعر وتسلم يمناك يا ابو اياد |
صح لسان الشاعر والناقل ومن حصل شي يستاهله تحياتي
|
اقتباس:
برق الشمال . مرحباً بك وشكراً على المشاهده والتعليق الرائع |
| +4. الساعة الآن 09:00 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط