اطرف موقف في رمضان؟
 

بسم اللة الرحمن الرحيم

اعضاء منتدانا الغالين اللة يصبحكم بالخير--
اكيد في هالشهر الفضيل لايخلو من المواقف الطريفة والمضحكة التي لا تنسى -واكيد ان عند كل واحد منكم مواقف جميلة --اتمنى من الجميع المشاركة بأطرف موقف حصل لة في رمضان ويسدحة هنا---

الشي الثاني--بكرة عندك فطور وجة دعوة لاربعة اعضاء يفطرو معك؟

http://www.bh30.com/msn/rmoz/SugarwareZ-047.gif

كل عام وانت بخير
موقف قديم بالديره كان قزعان ابن راكان الله يرحمه وبوي والعبد ابن حامد ويفطرون الشيبان جميع وقزعان فيه سكر ويستعجل بالأذان وكان علينا غيوم وامطار المهم ذاك الليوم اذن قزعان وفطرو العربان ويوم اخذنا شوي والمزن يروح واليا الشمس حيه يعني العصير والناس قد اشبعو بعدها محد يفطر على آذان قزعان الله يرحمهم كلهم
\
ومره واحد من الشباب بالمكتب مطسس يقول لي افلان ليه حاط بكت الدخان على المكتب وناظر بفلان واليا حاط كرتون الدبابيس لونه احمر وخوك في الله حاطه بكت ملبورو احمر هههههههههههههههههههههههههههه

انا ماني محدد اسماء الي يبي يجي الله يحيه وممكن اقول ابو رامي على شان دوامه عندنا ونا خابره برمضان يزورق مايداوم

كل الود والأحترام

معدي الغنامي----خالد قايل
بيض اللة وجيهكم على مشاركتكم الجميلة --وانا بختاركم انتم الاثنين بس للفطور
لانكم الوحيدين الي شاركتوا بالموضوع -شهر كامل -والبقية لاتعليق
بصراحة البرود بالمنتدى صار لدرجة التجمد -حتى فية اعضاء منقطعين اصابهم الملل بعد ماكانو شعلة

عاشق المرقاب الله يصبحك بالخير
تقبل مروري