|
رد الشاعر " كديميس العصيمي .
http://za3eem15.jeeran.com/images/besm.gif من يبي الإنصاف لايقصد رواسي منبـراً مسلوبـة ٍ منـه الحقيقـه العداله مالهـا بأرضـه مراسـي والضلاله في المنصـه والحديقـه والإداره وضعها غيـر متواسـي ولجنة التحكيم كلـن مـع رفيقـه صفوا الشعار من فوق الكراسـي وقتهـم يحسـب عليهـم بالدقيقـه وصوتوا حسب النظام الدبلوماسي وكل شاعر لاقصد يعطـى وثيقـه والذي قدم علـى كـل الجناسـي لاهو اطيبهم ولا امثلهـم طريقـه قدموه بموجـب الأمـر الرئاسـي وحققوا له مركزن صعب اتحقيقـه وقال هذا هو قصيـدي واقتباسـي وقـام ينكـث فالهناديـب العتيقـه وصار في بعض العلاقات التماسي والتماس السلك يبعث لـه حريقـه وان نظرنا فايل الخـس الأساسـي له سوابق تفضح الخـس وتعيقـه لا شجيع ولا كريـم ولا سياسـي ولا يفرج عن رفيقه يـوم ضيقـه ماذكر له موقف ٍ يجلى العماسـي وله مجـال ٍ فالطواريـق الرقيقـه الهوى والغـي منهجـه الدراسـي كم طويل ٍ مع هـوا نفسـه يويقـه وياصف الأجساد من تحت اللباسي ياصف اجساد الهويـه والصديقـه وفالمجابه والقسى ماهوب قاسـي لياتلاطمت الحجج يشـرق بريقـه ويوم جاته من بعيديـن المماسـي انحنى كنـه يوايـق فـي خريقـه علموه بقول مرشـد كـان ناسـي يوم سقـط لـه خوابيـر ٍ عميقـه قال له ياابن خلف راسك وراسـي والوعـد قـدام والغبـه غميـقـه استعد لرجـل راسـه مايراسـي وان حداك الخوف جنب عن طريقه وصار فالخس انكماشه وانتكاسـي وفضل الذله علـى ردت وسيقـه وشاعر المطران صلح له اركاسي واحتمى الضلع المسمى مع فريقـه ولبسه بشـت ٍ مفصـل بالمقاسـي لو يموت الخـس ورثـه لشقيقـه وش يريد الخس لحـاس التباسـي وش عليه من البحـر والا غريقـه مايقول القول عن دافـع حماسـي مقصـده شـي ٍ يحطـه فالعليقـه لا حصل له مدت ٍ لو هي طفاسي حطها فالمحفظـه مـدري بريقـه والمنافق دايما ً خاسـر وخاسـي لو تظاهر بالعفاف عـن السريقـه http://www.alhnuf.com/gallery/albums...0%28152%29.gif انا بعرف شي واحد بس ؟؟ هو وش سالفته؟ |
رد: رد الشاعر " كديميس العصيمي .
هو صنديد عتيبه شاعر مشهور قصايده هجاء وفيها غزل له وفيه مدح بس اكثرها هجاء واخر قصيده هجاء في قبيله حرب وطلعها العصيمي على قناة الساحه وسب القبيله ..واستدعوه اماره الرياض .. ومشكل كتير كتيرررررر
|
رد: رد الشاعر " كديميس العصيمي .
يجيب علينا نبذ التعصب القبلي فنحن عباد الله اخوانا
|
رد: رد الشاعر " كديميس العصيمي .
صحيح بس انا الفضول ذبحني .. اذا احد يقدر يجيب قصيدته في حرب يجيبها ...
|
رد: رد الشاعر " كديميس العصيمي .
على اليوتيوب
|
رد: رد الشاعر " كديميس العصيمي .
وشهو اليوتيوب ذا .. وكيف اجيه ؟
|
رد: رد الشاعر " كديميس العصيمي .
اقتباس:
واستغرب ماتعرف اليوتيوب .........إذاماتعرف اليوتيوب وين تلق الإثارة والمتعة فية؟؟؟ |
رد: رد الشاعر " كديميس العصيمي .
اقتباس:
شككتني .. شف هو يمكن اني اعرف شكله بس ماعرف اسمه ؟؟ :( طيب هو يتكلم عن ايش؟ أعرف جميع المواق الغنائيه الله يغفر لي .. واعرف المنتديات وأعرف الايميل :) واسوي بحوثي على النت .. وأطبعها وكذا يعني .. هذي علاقتي بالنت . |
رد: رد الشاعر " كديميس العصيمي .
http://www.youtube.com/watch?v=O35qO4XS-bU
^ هذا هو اسمعوا يوم يقول موقف الشعار في الصيوان باين < قال صيوان قسم الترحيب عندنا |
رد: رد الشاعر " كديميس العصيمي .
|
| +4. الساعة الآن 10:46 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط