المجد لشاعرنا الكبير /فالح نقاء الغنامي
 

يـــا مـمـجـديـن انـفـوسـكـم فـالـقـنـوات

اهملـتـوا الـحـاضـر وعـدتــوا لـمـافـات

بالـمـدح عـمـرتـوا قـصــور وعـمــارات

لاجـــا واحـدكــم قـــال يـــوم الـغــزوات

آمين جدك كان في بعـض الاوقـات

وآميـن جـدك تطلـع الشمـس مابـات

لــــن الــظــروف اتــحــدد الاتـجـاهــات

ماعـاشـوا الحيـيـن فاكـفـان الامـــوات

والـيـوم حـنـا فــي تنـافـس حـضــارات

بلاش من سرد القصـص والروايـات

والمـجـد لـلـي جـمٌـع اقـلـوبٍ اشـتــات

ومجد الامم ماهو كما المجد للذات

قولـوا بصـوتٍ يعتلـي كـل الاصــوات

حـنــا هــــل الـعـوجــا ولابــــه مــــراوات

صح لسان الشاعر والناقل قصيده جزله وذات مغزى حقيقي وتتكلم عن واقع يعيشه الكثير منا وهو العيش على ذاكرت الماضي المقيت ونسيان الحاضر والمستقبل . وهذا لايمنع من تسجيل تاريخ الماضي بمافيه من أحزان . تحياتي وتقديري للشاعر والناقل مره ثانيه

صح لسان شاعرنا وكلنا نفتخر فيه الله يحفظه من كل مكروه

ومشكور يا صقر على النقل حفظك الله يحفظه

صح لسان الشاعر الغني عن التعريف
فالح الغنامي العلم البارزوالمفكر الشامخ بأفكاره
وأنا أول قصيده أقراها للشاعر فالح
ولاكن وجدة في هذ القصيده تعبير
لمن يمتدح نفسه بفعل أجداده
وقد قال الشاعر مبارك العتيبي في أحد قصايده
=من لا فتح فكره وقلبه للايام=
ماينفعه عند العرب طيب جده

وتسلم يدين الناقل على هذ الاختيار المميز
تحياتي لكم

ياسلام صح لسانك يافالح

وانت الله يعطيك العافية ياصقر روق

تحيتي .

صح لسان الشاعر فالح الغنمامي وتسلم يدين الناقل
تحياتي للجميع

وآميـن جـدك تطلـع الشمـس مابـات

صح لسان فالح وتسلم يمين الصقر على النقل

يعطيك العافيه على النقل وصح لسان قائلها

كلام منطقي وفي محله لله درك

صح لسانه مدد بلا عدد , قصيده جزله وذات معنى هادف وجميل
صقر الف شكر لك على النقل المميز , تقبل مرور واحترامي