منتديات شبكة قبيلة الغنانيم الرسمية

منتديات شبكة قبيلة الغنانيم الرسمية (https://www.gnanim.com/vb/index.php)
-   منتدى الشعر والقصص الشعبية (https://www.gnanim.com/vb/forumdisplay.php?f=11)
-   -   ردي على احد القصايد الموجهه لي (https://www.gnanim.com/vb/showthread.php?t=14341)

@@@الرمش@@@ 05-30-2012 06:11 PM

ردي على احد القصايد الموجهه لي
 
السلام عليكم

طبعا هاذي رديه صارت بيني وبين احد مرتادي النت في احد صفحات الويب صار بيننا شيئا من الضحك والفكاهه بالهقصيدتين طبعا انا متعمد اتجنبه بالرد قدر ماستطيع


طبعا حطيتها بهالقسم لانه الاقرب لها

طبعا يقول وقصيده فيها شئ من الفكاهه الغير مقصوده لانه عزيز وغالي !


يا الرمش من يومك على حال مدمور
ـــــــــــــــــــــ حالك كسيفه جعل ماهو ذهابك

جيتك وانا فاضي ورايق ومسرور
ـــــــــــــــــــــ والله يعينك وين حظك غدابك

امجند لي راس جيش ٍ وطابور
ـــــــــــــــــــــ وبعد التحيه وجهته عند بابك

والحين يا حيك هلابك وماجور
ـــــــــــــــــــــ وان كان تبغي الصدق محد ٍ درابك

لكن على ما قيل قبرك ومحفور
ـــــــــــــــــــــ جاهز عساك بيوم تفقد صوابك

ما عاد به صدفه وغلطه ومجبور
ـــــــــــــــــــــ رجلك تحدك صوب قبر وعذابك

اللي يجيني منك .. عندك ومخبور
ـــــــــــــــــــــ واللي يجي لك .. خذ عندي زهابك

لانيب لا قاضي ولا نيب مقهور
ـــــــــــــــــــ ما غير انشد عنك وش هو جرابك

البارحه تمشي وسط قاع مقفور
ـــــــــــــــــــــ دونك عفيف وهاوي ٍ بك .. هوابك

ويا مسح الريضان منته بمعذور
ـــــــــــــــــــــ ــــــــــولا عاد به خذني خوي لجنابك

وهذا ردي عليه

يامرحبا باللي لفاني ومسرور
ـــــــــــــــــــــ يامرحبا حياك نزل زهابك

تلقا الشحم والبن مع طلعت النور
ـــــــــــــــــــــ وبستقبلك في مرحبا ياهلابك

وعلى الخطاء ياصاح ماني مجبور
ـــــــــــــــــــــ لو كان ناصيني وتشعب ركابك

قلبي لفعل الطيب جازم ومسطور
ـــــــــــــــــــــ ونصفح عن اللي يحتوي له جوابك

خوينا لا ضاع نقول مستور
ـــــــــــــــــــــ ونوجهه لو كان الارياء تشابك

وانته عزيز وتهت لكن معذور
ـــــــــــــــــــــ من لايعرفك مايقدر جنابك

وانا عرفتك تسبح بحور وبحور
ـــــــــــــــــــــ وتقدم على الجزله وهي ماتهابك

قرم ولد قرم لك العز منثور
ـــــــــــــــــــــ ــــــ ابوك مسقيك الوفاء مع شرابك

وحظي جمعني معك في ساحة الحور
ـــــــــــــــــــــ قلبي خضر والعقل فاصل وشابك

اركب على بابور وانزل لبابور
ـــــــــــــــــــــ والقاك جنبي لا سقى الله ترابك

@@@الرمش@@@

رائد العطاوي 05-31-2012 01:13 AM

صح لسانك ولسانه

كل الشكر لكك

بانتظار جديدكك

مبارك العتيبي 06-01-2012 05:11 PM

الرمش صح لسانك عز الله أنك رديت
وأنت كفو
بدون مجامله يا الرمش رد وافي

@@@الرمش@@@ 06-01-2012 08:09 PM

اقتباس:

المشاركة الأصلية كتبت بواسطة رائد العطاوي (المشاركة 148886)
صح لسانك ولسانه

كل الشكر لكك

بانتظار جديدكك

صح بدنك ولك كل ودي واحترامي

اقتباس:

المشاركة الأصلية كتبت بواسطة مبارك العتيبي (المشاركة 149091)
الرمش صح لسانك عز الله أنك رديت
وأنت كفو
بدون مجامله يا الرمش رد وافي

صح بدنك

وماعليك زود يالغالي

الوفا وجودك بمشاركتي وردك عليها

غيوم نجد 06-02-2012 04:06 AM

الرمش الف الف شكر لك استمتعنا بهذه الصفحه الرائعه


كل الشكر والتقدير

أبو بتـــــال 06-02-2012 07:40 AM

صح لسانك وصح السانه وبيض الله وجهك وجهه

قصيدة وردها وافي وكافي


+4. الساعة الآن 03:26 PM.

Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.

جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط  

2 3 9 11 15 16 19 20 21 25 26 27 30 31 32 37 38 39 41 42 43 46 49 53 54 55 58 59 60 66 69 70