الدرس : فواز علي الروقي
 

بسم الله الرحمن الرحيم

اخواني اخواتي الكرام : عساكم بخير وعافيه هذه المشاركه الاولى بينكم املا ان تنال رضاكم

واستحسانكم

http://www.youtube.com/watch?v=oijXl-y8CnY

تعال إقراء الدرس لاتجهل الدرس
وانشر على حبل الوفا كل ذكراك

وإكتب لها باللوح وإشهر لها حس
مدام عبر الحس تسرح ومسراك

إعسر بدربك صاحب الجيب والجمس
إعرف مسارك يوم مولاك دراك

وخل الجمل بالحمل ماعاد يرمس
ويضرب بزاره عاجزٍ عن مجاراك

قلقل حروف القلقله بأجود الحمس
وإحصد جميلك كي نشوفك ونقراك

وإحسب حساب الوقت ومحاول المس
اللي ليا شيخك يرجع وعراك

دنياك لن هست ورى دربها هس
إقر الزمان اللي يغفلتك يقراك

وبطوله الحاضر مع الفار والبس
وإخذر من اللي بالخطاء جاء وبراك

ساع الخراب اللي من الجرم مايحس
خال الضمير اللي عن العز يدراك

وحبل النجاه إن مس عَقِب على المس
إجلس ودور للخلل قبل حسراك

خل التأمل ينتعش ويتنفس
وإلعب مع اللآعب وبشر ببشراك

وإبن امَلك بطوبه العز لاتخس
ثم ينصرم عودك عقب موت خضراك
نهايةٍ تؤلم بها عالمٍ خرس
اعجاز نخلٍ ماتحب التحراك

والرمز ياللي تنقل الرمز في هرس
أطلق عنانه جارله عبر مجراك

قارن علوم القس وسيد القس
وإقر إتجاه البوصله يوم تقراك

عَمِر عمر زاهي رفيعٍ عن الدس
دام الرعاه إنجاز من كل الإدراك

طسطس كئيب الوقت ثم قله يطس
ياحاملٍ ضرٍ يكثرلك أسراك

مأحدٍ بيجهل صاحب الطابع المرس
وسمك سيف العدل وبغِرِك اغراك

رسالةٍ من شافها منه تفلس
مدراك ياخال الشيم ثم مدراك

تباً إلك مدام بدروبك تجس
ووجه البراءه خالقي منه مطراك

صوره مثل ضرب العصاء فأشقر الطعس
عنانها مطلق يغازٍله الراك

ماتنحصر على الورق حظها نحس
رمزيه وبهامها صعب الإدراك

تملك حياة إنسان في عالم الإنس

وتحمل صفات أشياء واشيا تمراك


قصيده للشاعر ::
فواز علي الروقي

مساك الله بالخير يابو علي ماهكذا تورد الآبل
الشعر ماهوب وزن وقافيه انت ( شاعر ) لكن الحق حق
بما أنك روقي نباك تصير أفضل من هاالمستوى ياولد العم
سمعت قصايدك في اليوتيوب كلها لكن مستواها ماهوب المطلوب
تركد وأعصر مخك عصر لين تجيب قصيده محبوكه ومسبوكه

ونتمنا لك النجاح في مسيرتك الشعريه .

لولا تعدد الاراء لبارت السلع


وكل شاعر له طابع خاص يكتب فيه شعره

وله نسجه الخاص

مثلا عندك ناصر الفراعنه له النسج الخاص به

عندك حامد زيد له نسجه الخاص به

كل شاعر لو اجواءه الخاصه به

اشكر الجميع على المرور الكريم

ونقدكم يعتبر وجهة نظركم

ولو تطابقت وجهات النظر لاكتفاء العالم بشاعر واحد

تحياتي وتقديري لكم

فواز مشكور على الطرح
احترامي لك

اقتباس:
المشاركة الأصلية كتبت بواسطة برق الشمال http://www.gnanim.com/vb/gnanimxp/buttons/viewpost.gif
فواز مشكور على الطرح
احترامي لك

ياهلا بك يابرق الشمال

واشكرك على مرورك

لاهنت على هالمرور

الأخ الشاعر فواز بن علي الروقي :
ماشاء الله تبارك الله مشاركة جميلة وأبيات جزلة من شاعر جزل إلى الأمام بارك الله فيك تقبل جل تقديري واحترامي .

اقتباس:
المشاركة الأصلية كتبت بواسطة علي بن عواض العطاوي http://www.gnanim.com/vb/gnanimxp/buttons/viewpost.gif
الأخ الشاعر فواز بن علي الروقي :
ماشاء الله تبارك الله مشاركة جميلة وأبيات جزلة من شاعر جزل إلى الأمام بارك الله فيك تقبل جل تقديري واحترامي .


العزيز علي العطاوي

ياهلا ومرحبا بك

وصح بدنك

والحضر المميز دائما

له اثره في نفس الشاعر

تحياتي وتقديري لسموك