|
قصة غريبه حصلتلي !
صباح الخير ياالربع
أمس الصبح الساعة 11 طلعت من البيت ابا السوبر ماركت لحالي وانا اوقف عنده وقدامي سيارة هايلكس 2007 مغيمه بلاك المهم بعد مانزلت من السيارة دقت ريوس الهيلكس على موتري ( مطيعة ) وطبعت الباب حق السواق وانا اقعد اتشمت وادعي علاه اقول الله يصبحك ابك انت وان صبحتني :d المهم قدم سيارته ووقف وعيا ينزل وانا اقعد اهوجس ابك هو علامه ورى ماينحاش ولا ينزل :d احتريت حوالي 2 دقيقتين عيا ينزل جيت ابا اروحله هو يحرك وانا اركب موتري واللحقه وحوالي 500 متر هو يوقف عند لوازم الزينه ووقف عنده واجيه واطق القزازه واقعد اطق عيا ينزل القزازه واسبر من القزازه الي قدام طلع ( حرمه السواق ) :d واميز ابك هذي وانهي رايحه عساها برياح :d قال واحدن معي دق على المرور وتشارع انت وياها في مرور عفيف :d ثم تالي قلت لاوالله ابعد عن الشر وغنيله ماودي اصير اول واحد تصدمه حرمه ويتشارع هو وياها وانا ارفع صوتي واقول فدى العوض مافيه خار وسلامتكم :shiny01: |
هههههه لاوالله الا انت اللي وين صبحتها ومشغلها تدق عليها القزاز يالدفش وانت خابر ربايعنا شوفهن قدي وانت تدري انهن في العروس يترعصن في بطون ورعانهن مايذهنن من الرقص وهاذي توها طلعت من العرس وترعصت في قرنمبعك وتحسبنها باقي في العرس ماطلعت ههههههه ظحكتني يانفر نظر بعيد الله لايهد سنونك والله يجنبك الغشما من الريجيل والربايع ههههههه ولي عوده للموضوع لتحليل المشكله اللي حصلتلك بعد ما اشبع من النوم
|
يا الله صباح الخير هاذي مثل الي يقول عرضت حصيني ولا عرضت أرنب
أحمد الله على أن الي دق عليك ريوس حرمه أشوى من انه يدق عليك ريوس شايب داقه الهشاش يعدم سيارتك وتروح فيها الله يحفظك بحفظه |
اقتباس:
المشاركة الأصلية كتبت بواسطة المستلبد http://www.gnanim.com/vb/gnanimxp/buttons/viewpost.gif هههههه لاوالله الا انت اللي وين صبحتها ومشغلها تدق عليها القزاز يالدفش وانت خابر ربايعنا شوفهن قدي وانت تدري انهن في العروس يترعصن في بطون ورعانهن مايذهنن من الرقص وهاذي توها طلعت من العرس وترعصت في قرنمبعك وتحسبنها باقي في العرس ماطلعت ههههههه ظحكتني يانفر نظر بعيد الله لايهد سنونك والله يجنبك الغشما من الريجيل والربايع ههههههه ولي عوده للموضوع لتحليل المشكله اللي حصلتلك بعد ما اشبع من النوم ههههههههههههههه حياك الله ياالمستلبد لاوالله صبحتني القشرا الغبينه سيارتي مجددها وزبرقها ثم عرضتلي هذيه الله يعرضلها وانا استغفر الله ههههههه القشرا جايتن من الهجر الي حولنا :d تاخذ شعير مدري رودس مدري برسيم المهم انها تقضى ألها ولدبشها وصبحتني :shiny01: الله يعطيك العافية ياالمستلبد وعساها تصدمك عجوزً شمطا تدق عليك ريوس ;) |
اقتباس:
المشاركة الأصلية كتبت بواسطة أبو بتـــــال http://www.gnanim.com/vb/gnanimxp/buttons/viewpost.gif يا الله صباح الخير هاذي مثل الي يقول عرضت حصيني ولا عرضت أرنب أحمد الله على أن الي دق عليك ريوس حرمه أشوى من انه يدق عليك ريوس شايب داقه الهشاش يعدم سيارتك وتروح فيها الله يحفظك بحفظه عساه مايدق علي ريوس الشايب :d مشكل كبير لو دق ريوس علي :d الله يعطيك العافية ياأبو بتال والله يحفظك من كل شر |
سلامات يابعيد النظروبيض الله وجهك
العلوم الطيبه مايقدرها غير أهلها وأنت منهم لوهو واحد دنفوس فضحها وفضح نفسه |
هههههههههه صدمه ناعمه مااعدمة مووتركــ ابن عسير
هههههههههه تصدق انى تووقعتها حررمه من يووم قلت عيا ينزل هههههههههههههههه لان نسبة الفقنه والقطنه ماشاء الله على قوويه ههههههه الحمد لله على سلامتك جعل الصدمه بعدووينكــ طال عمرركــ تقبل مرورى |
ههههههههههههههه
سلامات يبن عسير وما حصل شي بس انا اللي محيرني ,, هي وش تبا عند محل الزينه يوم وقفت عنده ؟! ههههههههههههه |
ههههههههههههههههههههههههههههههههه
راعيات عفيف والهجر الي حولها ما يخلن السواقه دائم خخخ انا قد شفت وحده في عفيف تسوق على شاص ولابسه عمامه فوق البرقع !! على العموم معوض خير ان شاء الله وبسيطه , تحياتي لك ولقصتك الغريبه فعلاً |
بعيد النضر الموديل 2010 اذا هي اللي في صندوقها اصطوانات هذي الساعة 9 الحقتني من اشارة المستشفى باتجاة الامارة يوم وقفت عند اشارة البكري وتجيك لين بنطت فالصدام واعاين فالمرايه الينها حرمه للمرور عند الاشارة واجي جنبة قلت شوفو الحرمه اللي تسوق الهايلكس تراها صدمتني وتبي تعدم الناس قال وين راحت قلت شفها قدامك علا الشارع وهو يفحط ويخش يمين جهة الماليه ولا شيف بس هاذي شكلها معها امر ماحد يتعرضها مدام المرور تركها ؟؟؟؟ انتبهو لسيارتكم
|
| +4. الساعة الآن 09:37 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط