|
.,,, اي شاعــــــــر متــــمكــــــن ,,,.
السلام عليكم ورحمة الله وبركاته ..
اليوم نبي نلعب طاروووق مع اي شاعر حاكم الغنامي . خالد الغنامي. عبد الله الغنامي. السفير. الحر النادر. ذيب الغنانيم. ااااااي شاعر ... وانا ادري انكم كلكم شعار .. يالله ..
سلام الله سلام الشاعر اللي ما علاه خلاف = يعرف الشعر ما يجهل طواريقه وقيفانه بغانا الشاعر الي لا تحيزم يحتمّ الميقاف = ولا نبغا ردي المعرفه لو زانة الحانه متى ما جا اي شاعر الله يحييه .. .. |
رد: .,,, اي شاعــــــــر متــــمكــــــن ,,,.
يالله حي الشعّار .. الله الله فالابيات الجزله
<==< اقرب مخرج :) |
رد: .,,, اي شاعــــــــر متــــمكــــــن ,,,.
هلا يامرحبا ياشاعر هجرس وغنا القاف=وجاب البيت حسب المتفق ماختل ميزانه يجيك العلم وافي لا جلست بمجلس العراف=علوم كنها صرف الذهب فالاذن رنانه |
رد: .,,, اي شاعــــــــر متــــمكــــــن ,,,.
هلا بك والله يا ياسر ..
اشهد انك شاعر ... ومستمره المحاوره ..
يدوم الك البقاء يالي ترحب والقلوب انضاف = وانا خابرك شاعر والفتى في درب جدانه وانا بنشدك يوم البرق يبرق والرعد رجاف = وان انته عن دروب السيل جعل اوطانك اوطانه |
رد: .,,, اي شاعــــــــر متــــمكــــــن ,,,.
الله يبقيك ياعزيز النفس
وشهاده نعتز فيها ومنكم نتعلم ومشكور
نبا نلعب على العمق ونبا نلعب على الاطراف=وتحقيق الهدف مضمون بامر الله سبحانه نشوف البرق عنا شرق برقه جايله رفراف=عسا واد الرمه لاسال مايشتال سكانه |
رد: .,,, اي شاعــــــــر متــــمكــــــن ,,,.
الله الله
شاعر متمكن ما شاء الله عليك .. مــــــــــــــــــــستـــــــــــــمرين ..
نبا نشيل الحمول الكايده يارجل بالكتاف = وعسى ربي يكافينا شرور ابليس واعوانه واثرك قريبٍ منا ولكن وين ما تنشاف = وانا ضني بحق الجار ما تنساه جيرانه |
رد: .,,, اي شاعــــــــر متــــمكــــــن ,,,.
كنوز البحر مثل اللول والمرجان والاصداف=ثمينه كلها ياصاحبي والدانه الدانه لكن انته من اهل المدن ولا تسكن الارياف=او انك في طوارف كشب وتذريك ضلعانه |
رد: .,,, اي شاعــــــــر متــــمكــــــن ,,,.
ترانا ياصحيبي نعرف الطيب من الخواف = وما فالقلب يضهر عن طريق الفم ولسانه وانا يا صاحبي في ظلم دار العدل والانصاف = وانا اضنك من اهل الدار وانك ضمن عربانه |
رد: .,,, اي شاعــــــــر متــــمكــــــن ,,,.
لاتخطب فالمساجد دون تصريح من الاوقاف=ترى صوتك طويل وروع المذن وورعانه ونعم بربعنا في كل ديره كاملين اوصاف=غلاهم في صميم القلب واوردته وشريانه |
رد: .,,, اي شاعــــــــر متــــمكــــــن ,,,.
الله الله
صح لسانك ياعزيز النفس وصح لسانك ياياسر الغنامي مبدعين الاثنين تقبلو اعجابي وتحياتي واصلووو |
| +4. الساعة الآن 06:44 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط